影片
更多
2016-03-06
4516 瀏覽
上網睇到廣告介紹$88一個鐘任食韓燒 而之前都聽過朋友推介BBQ7080 咁平唔係唔試呀！不過我打左20次電話先有1次有人聽，book位都幾麻煩，終於book左星期六12:30!開頭得幾枱人，慢慢都坐左8成滿，見到張order紙，種類都頗多，因為得一粒鐘，所以都叫晒自己想食既野，上菜非常快而且無漏單，抵讚！逐樣講先，厚切五花腩，唔特別好食，肉質偏鞋，不過唔多肥膩，只是不及係韓國咁好食。而薄切豬片會嫩身d,都幾好。豬頸肉油脂多，彈牙，幾爽口！大塊梅頭豬扒就麻麻地，肉太實，太鞋了！辣雞肉串好惹味，不過唔鐘意食辣就叫返原味，因為都幾辣！薄牛舌好爽口，即使煎耐左都好好食，唔會硬！腸仔唔好食，好咸，但厚切午餐肉超好食，煎一煎，少少燶，脆口！海鮮方面有蠔，魷魚，八爪魚，魷魚比較出色，同蒜片一齊炒爽口好香！爐邊蛋再加芝士粟米，唔洗講，一定好食！熟食方面，只叫了泡菜煎餅，炒粉絲，拉麵，泡菜鍋！泡菜煎餅一開四件，內有少少海鮮，唔會麵粉過多，幾好！炒粉絲好爽口，但好像落了好多油！拉麵就係平時韓式公仔麵，唔會唔好食啦！推薦泡菜鍋，d泡菜煮得好林好入味，又有少少豬腩肉同豆腐，好味！飲品方面，全部都是有汽飲品同
不過我打左20次電話先有1次有人聽，book位都幾麻煩，終於book左星期六12:30!
開頭得幾枱人，慢慢都坐左8成滿，見到張order紙，種類都頗多，因為得一粒鐘，所以都叫晒自己想食既野，上菜非常快而且無漏單，抵讚！
逐樣講先，厚切五花腩，唔特別好食，肉質偏鞋，不過唔多肥膩，只是不及係韓國咁好食。而薄切豬片會嫩身d,都幾好。豬頸肉油脂多，彈牙，幾爽口！大塊梅頭豬扒就麻麻地，肉太實，太鞋了！辣雞肉串好惹味，不過唔鐘意食辣就叫返原味，因為都幾辣！薄牛舌好爽口，即使煎耐左都好好食，唔會硬！
腸仔唔好食，好咸，但厚切午餐肉超好食，煎一煎，少少燶，脆口！
海鮮方面有蠔，魷魚，八爪魚，魷魚比較出色，同蒜片一齊炒爽口好香！
爐邊蛋再加芝士粟米，唔洗講，一定好食！
熟食方面，只叫了泡菜煎餅，炒粉絲，拉麵，泡菜鍋！泡菜煎餅一開四件，內有少少海鮮，唔會麵粉過多，幾好！炒粉絲好爽口，但好像落了好多油！拉麵就係平時韓式公仔麵，唔會唔好食啦！推薦泡菜鍋，d泡菜煮得好林好入味，又有少少豬腩肉同豆腐，好味！
飲品方面，全部都是有汽飲品同啤酒，如果可以無汽飲品就更好了。
雖然標明任食一小時，當還有大概20分鐘，店員就說last order，然後我地就繼續燒，之後就叫我地埋單，但都無趕我地走（可能未滿座），我地最後燒晒d野，食左一個半鐘先走，所以都幾正！
店員服務好好，有禮貌又幫手！
張貼
