撈喜 (已結業)

今晩心血來潮想食好嘢，但又想 keep it under budget，一定就係嚟「撈喜」。價錢合理，嘢食正，份量足，最緊要唔洗收一。花膠燉雞 ($58) 燉湯好岀名，所以我都唔執輸。真係勁多花膠，好足料。湯底靜甜，一啲都唔覺得鹹或有味精。食埋啲雞肉，煲完湯都可以保持嫩滑。黑松露四頭南非鮑魚意大利飯 ($88)連個係 Fusion 菜。南非鮑魚一啲都唔惹少，質感彈牙，腍而入味。意大利飯雖然做唔到意大利 Risotto 嗰啲口感，都偏港色，但勝在黑松露味非常濃郁，從相片可見，黑松露偏佈成個飯。