麻布茶房 (已結業)

尋晚去將軍澳麻布茶房試下 ，一家三口叫咗一份泡菜豬肉定食 ，一份照燒豬肉飯， 一份安格斯牛扒， 安格斯牛扒叫七成熟， 結果嚟咗九成熟， 泡菜豬肉飯的豬肉好鞋， 照燒豬肉飯開頭仲嚟錯咗個牛肉飯， 但係啲豬肉都好鞋， 側邊啲配菜， 好似希靈魚質地嘅蒸蛋 完全冇味道， 另外一碟納豆 都係冇味道， 其他配菜完全冇味道， 麵豉湯都非常之淡，份安格斯牛扒好韌， 問佢有冇tabasco，冇 ，問佢有冇喼汁，冇， 結果無可奈何之下唯有要茄汁， 好少食到咁差嘅日本菜， 唯一可取嘅就係杯mocha， 下次都唔會嚟呢間嘢度食，超級中伏！！！