緣聚西日餐廳 (西裕街) (已結業)

一班元朗朋友今晚去食緣聚放題，因為大家都想食生蠔又想食唔同ge野，而呢度加$98就有任食生蠔同蟹腳。生蠔新鮮肥美，非常creamy。蟹腳味鮮大大隻，唔會好重醎水味。刺身新鮮款式多，有三文魚，甜蝦，帶子，八爪魚等等。壽司質素不錯，尤其三文魚火炙壽司! 火炙三文魚入口滿有魚油甘香，入口即溶。黃金燒蠔雖然細細隻，但勝在食多2隻都唔使咁膩。 咸香脆口的雞軟骨，很好下酒。我愛小甜薯甘香小甜!疑似B仔雞亦尖，煮得入味但係再辣啲會更好。嘻，仲有得打邊爐!迷你鍋好可愛，仲有幾款湯底任揀，配料選擇多，肥牛質素都唔錯，唔太肥又幾有牛香。甜品雖然無大酒店款式，但都有多款雪條，包括韓國生果味雪條。另外仲可以揀特式焦糖芝士同3.6牛奶雪糕。我最欣賞榴槤炸彈，仲有榴槤雪條，好香濃榴槤味! 榴槤迷的我不停狂食。除左一般飲品之外，仲有即沖咖啡奶茶同多款啤酒。我哋豪不客氣狂飲somersby。上菜快狠準，食物質素不錯。是夜全場爆滿，想來一試的朋友記得訂枱。