雲龍軒

營業中

休息中

一早訂咗去迪士尼酒店玩返一個週末，點知好唔好彩，遇着颱風，仲要打到9號風球困獸鬥留喺樂園酒店，唯有食樂園酒店嘅晚飯，所以嚟試咗呢一間餐廳可能本身冇期望就冇失望，餸菜我覺得比想像中好食叫咗兒童套餐比幾個小朋友，佢哋都食到津津有味因為太興奮嘅關係，所以都冇影到相之後大人就叫咗咕嚕豆腐、燒味拼盤、西蘭花炒蝦球、炒飯個咕嚕豆腐，估唔到係用米奇老鼠嘅樣，小朋友見到好開心，明明唔食豆腐都爭住食😬個雲龍軒炒飯冇影相，不過比想像中好食嘅而家有迪士尼會員卡，有discount就抵食好多，冇嘅話就唔太建議