影片
更多
2023-06-16
135 瀏覽
早排講起想食鐵板燒，即刻想encore返鐵人旨花，今次咁岩撞正佢地9週年慶，係社交平台見到有折！即刻就book左了。鐵人旨花入面裝修都幾高級架，氣氛舒適，仔細D睇裝修仲有好多細節，都算係一間幾高級既日本餐廳。入座之後，d Staff 都好主動同我們介紹菜單同drinks。當然佢地既介紹好專業，仲好耐心回答了我們既問題，仲比左d建議我地。因為我地事先係Whatsapp訂位，揀左個promo set，最難忘既係龍蝦刺身，燒鮑魚同A5和牛。先嚟講前菜有溏心鮑魚啦，一咬落去就感受到鮮甜嘅汁液流出黎，d肉質都好軟熟，啖啖都好滋味。糖醋蕃茄都好好食，蕃茄細細粒，加上d糖醋醬汁，酸甜味道好平衡，令人食嘢嘅時候唔會覺得膩。仲有沙律，D菜葉都好新鮮，d醬汁都好開胃。跟住就係龍蝦刺身，佢係由新鮮嘅龍蝦肉切成片，加少少日本醬汁同wasabi，d龍蝦肉好鮮甜，口感彈牙。日本醬汁同芥末都好恰到好處，唔會蓋過龍蝦嘅鮮味，d味道非常之夾。同埋佢唔係得一塊半塊，係足足一隻龍蝦的份量，完全唔洗就住就住食，勁滿足。跟住仲有一道時令刺身拼盤，味道都十分新鮮，始終呢間餐廳另外一面有做omakase，質素同鮮度都非常有保證。而
鐵人旨花入面裝修都幾高級架，氣氛舒適，仔細D睇裝修仲有好多細節，都算係一間幾高級既日本餐廳。
入座之後，d Staff 都好主動同我們介紹菜單同drinks。當然佢地既介紹好專業，仲好耐心回答了我們既問題，仲比左d建議我地。因為我地事先係Whatsapp訂位，揀左個promo set，最難忘既係龍蝦刺身，燒鮑魚同A5和牛。
先嚟講前菜有溏心鮑魚啦，一咬落去就感受到鮮甜嘅汁液流出黎，d肉質都好軟熟，啖啖都好滋味。糖醋蕃茄都好好食，蕃茄細細粒，加上d糖醋醬汁，酸甜味道好平衡，令人食嘢嘅時候唔會覺得膩。仲有沙律，D菜葉都好新鮮，d醬汁都好開胃。
跟住就係龍蝦刺身，佢係由新鮮嘅龍蝦肉切成片，加少少日本醬汁同wasabi，d龍蝦肉好鮮甜，口感彈牙。日本醬汁同芥末都好恰到好處，唔會蓋過龍蝦嘅鮮味，d味道非常之夾。同埋佢唔係得一塊半塊，係足足一隻龍蝦的份量，完全唔洗就住就住食，勁滿足。跟住仲有一道時令刺身拼盤，味道都十分新鮮，始終呢間餐廳另外一面有做omakase，質素同鮮度都非常有保證。
而之後終於到左teppanyaki既環節，先黎係煎鱈魚，佢將個魚皮同魚肉分開處理，魚皮煎成一塊脆片，而鱈魚本身肉質我本身都好鍾意，一定唔會嚡熠熠，而配上既醬汁都提高左個鮮味。接住落黎就係個燒鮑魚，隻鮑魚係有成隻手掌咁大，師傅煎完之後係好遠都已經聞到陣燒海鮮味，而個份量岩岩講左有成成手掌咁大，可以慢慢細味。到最後就係個薄煎A5和牛，一開始師傅已經show左比我地睇件牛，睇到d雪花邊係勁均衡所以已經好有期望。果然加上師傅既加持，配上左蔥同蒜片，佢仲分開左4小件，方便一口可以食一件，肉汁非常飽滿，完完全全善用左呢舊和牛既油脂分布。係意猶未盡既時候,師傅就準備左一個時令炒飯同星班魚湯作為熱食既小總結，佢地會用唔同既時令配料去做個炒飯而今次佢地用左乾瑤柱，成個食感唔會話太飽或者太膩，而家魚湯用左東星班做材料，本身都好夠鮮味，算係一個幾唔錯既小總結。最後甜品係一個黑糖抹茶雪糕，本身以為都係普通雪糕，點知配上左黑糖都幾特別。
整體黎講，整個體驗都非常滿意，特別一提既係d staff 都服務係做得好足同好有禮貌，呢樣野係日本餐廳係不可缺少。而CP值都可以話係好值得，加上佢地個今次個promo set 真係性價比超高，晚餐黎講我地兩個人去食每人一千都唔洗，仲好適合係生日飯或者慶祝飯。不過呢個promo set 無得walk-in叫一定要透過社交平台或者Whatspp 預訂，而且個staff仲話我地好好彩因為呢個set未必guarantee到tepannyaki table。
仲有就係當晚我地隔離叫左另外一個龍蝦餐，偷聽到d介紹既時間都心郁郁，因為佢地用左海膽，蝦膏同龍蝦汁做既醬去配個鐵板燒龍蝦，睇落真係好正，好想再食😛
張貼
