蠔之神

營業中

休息中

早前睇到FB有介紹，一於約朋友去食。雖然唔係對食蠔好瘋狂，但$9 x1 隻真係抵。呢間小店主要食海鮮，但都有其他熱食，壽司，選擇不算太多，但都有基本種類。小店大約有三張4人枱，面積細細地，反而可以同朋友靜靜享受下。建議大家要預約定，因為店員會問定你$9蠔要多少。起初我哋2人就預留一打，但食完都不錯，蠔都肥美，有海水味，所以之後再order多半打，因都要留肚食其他。鮮茄虎蝦意粉，有驚喜。好鮮甜，建議order多個蒜蓉包點醬汁食。黑毛豬扒配松露汁，肉質都鮮嫩，正正常常。