一起 (已結業)

喺奥海城shopping完，朋友就帶我嚟到呢間隱世高質串燒店~話一定會食過番尋味！一入餐廳就好有親切感，小店形式，座位都幾寬闊，同三五知己嚟開餐都好適合☺依家仲推$9一串雞脾肉串，可能是大角咀最平嘅雞脾肉串，當然要食啦~火喉控制好好，雞脾肉嫩而滑，$9 真係好抵！我個串燒清單一定要食燒雞皮、雞軟骨、雞腎！平時食燒雞皮好怕油膩又唔脆，呢間較乾身同香脆，算出色！雞軟骨配孜然粉，好正！爽口又有口感☺食串燒點可錯過蔬菜燒，勝在更入味~川燒娃娃菜一片片嘅娃娃娃吸曬孜然粉嘅味道，燒後都保持到個juicy! 必食！孜然韭菜每一條都好入味，口感鲜香爽口！講到串燒嘅招牌必定蒜蓉燒原條茄子，保持juicy ,但如果辣啲會更好😋串燒種類都幾多，單係腸都幾款！推薦必食勁辣一口腸，辣度剛好，口感爽口！最特別係呢到有臭臭粉，姐係螺絲粉！配串燒一流！臭味就唔係好勁，辣度算微微，同串燒好match!飲品都幾多款，最特別係有綠茶可樂？！飲落冇平時嘅可樂咁甜，冇少少綠茶味，下次一定要再飲😋一起Let's Gather🐻大角咀海庭道8號富榮花園8座地下8號舖