UCC Coffee Shop (已結業)

在外趕時間去見工，見到呢間以前係我其一至愛既Little Basil變身鋪，尖咀o個間就爆到唔駛恨，不如去呢間試下菜。叫左白汁炸雞咖哩蛋包飯簡單食就算。對於加錢食沙律同埋咖啡，嗯，唔駛Lu。成個飯都係偏淡。白汁我覺得唔Mind，因為濃的話就真係好Heavy，有蘑菇但可以成個汁咁分開，有實材冇入到菇菌既味道；蛋好滑，但飯既咖哩味好淡，如果唔係隻色的話，我會覺得佢完全唔係咖喱處理過；炸雞好滑之餘亦好脆，係油左少少而已。分開食大部份都OK，不過夾埋一齊如同我同公司同事既關係咁：冇咩默契、夾唔到。