影片
更多
2022-08-16
167 瀏覽
《Lassana Coffee - 中環》呢間cafe 好多人都話佢既afternoon tea好抵食😅價錢係幾抵既，但野食就唔好預好精緻啦🤣話說三星期前，我朋友send左呢個tea既介紹比我睇話想去試下，打電話上去book 話要兩星期後先有位，咁我地就book 左上星期五去，諗住閒日應該唔會好多人😝當日去到人流唔算多，不過枱枱都係食afternoon tea，餐廳明碼實價$398/2人 90分鐘free flow餐牌上所有飲品及十款小點，為起一人$200 就可以任食任飲咖啡😍係幾抵玩既🫣不過如果你對野食同甜點有要求既就真係要衡量一下啦。當日第一round 會上曬所有野比你先既，而飲品我地簡左熱cappuccino 同青檸梳打，而小點就逐樣介紹啦甜點💁🏻♀️焦糖蛋糕印象中唔係太甜，有啲似x海堂之前出過既拖肥蛋糕味，我地食左一round 無encore的💁🏻♀️鮮芒果撻Encore 左兩次，芒果幾甜但個撻底真係好硬😂朋友成日拎黎玩鏗啲碟整到Kong Kong聲😅食兩個都仲ok既💁🏻♀️雜莓蛋糕呢個我印象一般，唔似雜莓味，你當普通strawberry cake 會好啲，我地無浪費quota
呢間cafe 好多人都話佢既afternoon tea好抵食😅價錢係幾抵既，但野食就唔好預好精緻啦🤣話說三星期前，我朋友send左呢個tea既介紹比我睇話想去試下，打電話上去book 話要兩星期後先有位，咁我地就book 左上星期五去，諗住閒日應該唔會好多人😝當日去到人流唔算多，不過枱枱都係食afternoon tea，餐廳明碼實價$398/2人 90分鐘free flow餐牌上所有飲品及十款小點，為起一人$200 就可以任食任飲咖啡😍係幾抵玩既🫣不過如果你對野食同甜點有要求既就真係要衡量一下啦。當日第一round 會上曬所有野比你先既，而飲品我地簡左熱cappuccino 同青檸梳打，而小點就逐樣介紹啦
甜點
💁🏻♀️焦糖蛋糕
印象中唔係太甜，有啲似x海堂之前出過既拖肥蛋糕味，我地食左一round 無encore的
💁🏻♀️鮮芒果撻
Encore 左兩次，芒果幾甜但個撻底真係好硬😂朋友成日拎黎玩鏗啲碟整到Kong Kong聲😅食兩個都仲ok既
💁🏻♀️雜莓蛋糕
呢個我印象一般，唔似雜莓味，你當普通strawberry cake 會好啲，我地無浪費quota encore
💁🏻♀️松露朱古力蛋糕
算係咁多樣比較好食既甜點，唔會太甜但朱古力味又幾濃，但想order 多一round 佢就話賣曬啦🥲
💁🏻♀️英式鬆餅
個scone 可以接受既，普通M&S買到既mini scone咁，但餐廳唔係比clotted cream 係比普通spray cream🤨呢樣我就接受唔到囉，個感覺真係差好遠，我地都無encore 到
咸點
💁🏻♀️雜菌鮑魚酥
鮑魚酥我地一共每人食左三隻，咸點反而做得比較好食，鮑魚雖少，但味道算唔錯既
💁🏻♀️黑松露蟹肉酥
蟹肉配黑松露其實實無死既，我估都唔係真蟹肉架啦，不過咸咸地加上黑松露醬加左分，encore 左兩次
💁🏻♀️牛油果鮮蝦撻
我無諗過佢會原隻蝦放上個撻度，蝦都幾彈牙同埋唔腥，同牛油果都幾夾，但都係同一個問題出事，個撻勁硬，牙齒唔好既話應該食唔到太多
💁🏻♀️煙三文魚多士
呢樣係咁多款咸點入面我最鍾意既一款，雖然話就係咸點，但佢個多士係有砂糖喺面既，仲查左少少沙律醬先再放三文魚，又咸又甜都幾得意，呢款又係encore 左兩次👍🏻
💁🏻♀️巴馬火腿撻
😂😂塊ham係好食既，但出事既又係個撻，咬到牙齒都鬆弛下食左兩件就算
其實整體黎講味道係ok既，始終一分錢一分貨，食物都係對得住價錢既，我反而覺得佢既飲品做得幾出色，我第一杯叫cappuccino，第二杯叫左expresso tonic，而第三杯又係cappuccino，平日去星巴巴都要$4x一杯咖啡啦，呢度$200有野食仲任飲手沖咖啡☕️如果唔驚夜晚瞓唔着嘅話飲夠10杯就賺返晒🤣但係我作為一個甜品控就當然覺得佢甜點麻麻啦，所以試過一次就夠啦，留番quota試其他😉
題外話/補充資料：
要預早訂位，不設Walk-in
(以上食評乃用戶個人意見 , 並不代表OpenRice之觀點。)
張貼
