影片
更多
5天前
0 瀏覽
就嚟聖誕新年頻頻血戰敗咗好多嘢又要去旅行，平時就要慳下啦. 知道「安平燒肉」最近推咗個🔥「90分鐘月光族急救吃到飽套餐2」‼️咁抵就要去開餐. 今次去咗將軍澳Popcorn呢間分店，平安中午比較易搵位. 呢個套餐有五款肉品同自助吧任取，全日供應，午市$208晚市$228，入會做會員之後仲可以平多$20分別$188/$208 咋. 如果唔係大胃王，套餐一有三款肉品（牛豬雞各一），價錢會優惠啲㗎. 自助吧有醬料、大量蔬菜、丸類、麵食、飯食、飲品等等. 先取醬汁，嘩，⭐️個12味醬專區真係令人驚艶！個人大愛經典台式醬汁五味醬同埋椒麻口水醬，前者酸甜味分明有層次，後者花椒香氣滿溢，大大提升食物味道. 我哋叫呢個套餐有：嫰肩版牛肉、馬告牛仔骨、醬燒雞爽肉、薑汁味雪花豬、燒滷豬大腸. 限時內平板電腦任叫. 肉品味道款款出色，我哋係牛控所以瘋狂encore牛肉，肉味濃郁軟腍嫩滑. 蔬菜瓜果菇類鮮甜. 最最最好味不能錯過就係佢哋個安平蝦拌飯‼️❤️香噴噴熱辣辣白飯，拌上香蔥、櫻花蝦、滷水汁，攪拌好再加上海苔，十級好味，食多多都得. 至於飲品方面，除咗可樂芬達呢啲常見軟飲料，仲有自家製冷泡茶同特式台灣茶好似燒仙
就嚟聖誕新年頻頻血戰敗咗好多嘢又要去旅行，平時就要慳下啦. 知道「安平燒肉」最近推咗個🔥「90分鐘月光族急救吃到飽套餐2」‼️咁抵就要去開餐. 今次去咗將軍澳Popcorn呢間分店，平安中午比較易搵位. 呢個套餐有五款肉品同自助吧任取，全日供應，午市$208晚市$228，入會做會員之後仲可以平多$20分別$188/$208 咋. 如果唔係大胃王，套餐一有三款肉品（牛豬雞各一），價錢會優惠啲㗎.
自助吧有醬料、大量蔬菜、丸類、麵食、飯食、飲品等等. 先取醬汁，嘩，⭐️個12味醬專區真係令人驚艶！個人大愛經典台式醬汁五味醬同埋椒麻口水醬，前者酸甜味分明有層次，後者花椒香氣滿溢，大大提升食物味道.
我哋叫呢個套餐有：嫰肩版牛肉、馬告牛仔骨、醬燒雞爽肉、薑汁味雪花豬、燒滷豬大腸. 限時內平板電腦任叫. 肉品味道款款出色，我哋係牛控所以瘋狂encore牛肉，肉味濃郁軟腍嫩滑.
蔬菜瓜果菇類鮮甜. 最最最好味不能錯過就係佢哋個安平蝦拌飯‼️❤️香噴噴熱辣辣白飯，拌上香蔥、櫻花蝦、滷水汁，攪拌好再加上海苔，十級好味，食多多都得. 至於飲品方面，除咗可樂芬達呢啲常見軟飲料，仲有自家製冷泡茶同特式台灣茶好似燒仙草、麥仔茶，個人大愛自家冷泡茶，有成四款口味，有桂花烏龍、四季春烏龍、百香果綠茶同埋藍莓果茶，茶香撲鼻，而且可以中和燒肉油膩感，清新消滯好健康.
店員話而家仲有限時聖誕限定威士忌烤肉醬系列，有多款食物選擇，醬料係由威士忌、糖、香料同多款調料製成，聽到流晒口水，出糧過嚟試吓先😆.
張貼
