燒肉臻 (已結業)

前排朋友話帶我去尖沙咀寶勒巷一間頗為有名氣嘅日本餐廳帶我食燒肉, 一向鍾意食嘅我當然要去試下睇下有咩來頭啦！餐廳地方寬闊, 侍應一嚟就帶咗我哋去吧檯坐, 拎咗個menu畀我哋點餐, 同埋介紹我哋享用$148蚊有90分鐘嘅燒酒放題, 圖示仲講解每一隻燒酒嘅原產地、度數同埋水嘅來源, 有肉當然要有酒啦！我朋友唔多飲酒, 所以我自己享用有18款不同度數自助式嘅日本燒酒.我哋叫咗個鹿兒島A4和牛盛盒: 內有三角胸小排、肉眼蓋及背峰, 而店員就介紹我哋食日本雞頸, 一夜干雞全翼, 伊比利亞豬肋條, 白鱔一條, 同我最鍾意食嘅活蟶子, 仲有蕃茄蒜子沙律, 北海道唐揚長芋件, 叫燒酒之如仲送咗 菊花蜜畀我哋飲, 臨尾仲叫咗個肉燥飯同埋 一個伊比利亞夾心肉食, 今次真係飽到上心口 , 正所謂酒池肉林絕對係人生一大快事！啲嘢食好新鮮好好味尤其是係嗰個豬肋條同夾心肉同埋不可不提嘅鹿兒島牛盛盒, 啲雪花同紋理都係頂級！無論擺設同埋觀感都無限可擊, 唔怪得知咁客似雲來啦, 咁多人幫襯真係有佢嘅原因. 連埋加一兩位合共$1,894港元, 咁嘅價錢享用到咁嘅美食都算性價比高.