影片
更多
2020-04-19
1597 瀏覽
今日我約左朋友黎北角食好野。平時返工都好少黎北角，但自從開左北角匯同海濱公園之後，連帶附近都有越黎越多好野食。今次就黎到北角站附近既Present食西餐。餐廳係古舊既英式酒吧佈置，燈光昏暗，座位之間隔得好開，坐落寬敞，氣氛十足，平時可以同朋友黎傾下計，飲杯咖啡、食d小食，優閒咁過一個下午都唔錯。今次我就同朋友黎食晚餐，估唔到都有驚喜。我地今次就叫左個set dinner($168) 同一個香烤汁燒豬肋骨($98)。Set dinner 包左一個湯、蒜蓉包同少少既沙律。個湯係蕃茄湯，蕃茄味非常濃，酸甜度適中，非常醒胃。而蒜蓉包亦十分香脆脆口，絕對係新鮮整既。Set dinner既主菜我地就叫左紅酒燴牛面肉飯。牛面肉估計係用慢煮既方法烹煮，入口即溶，又留有陣陣既肉汁同牛味，食完d牛味係口腔內停留好一陣子，令人回味。至於d飯亦都係採用意大利飯，較細粒同有咬口，粒粒分明，就算同紅酒汁一齊食都唔會太淋。豬肋骨亦係另一驚喜。豬肋骨燒得剛好，食落口留有肉汁，唔會太乾。重點在於肋骨上面既bbq醬，厚厚一層鋪係上面，味道適中，又為豬肋骨加上水份，配合剛好。同碟亦有配上薯條，薯條係用新鮮薯仔整既，薯仔味十
餐廳係古舊既英式酒吧佈置，燈光昏暗，座位之間隔得好開，坐落寬敞，氣氛十足，平時可以同朋友黎傾下計，飲杯咖啡、食d小食，優閒咁過一個下午都唔錯。
今次我就同朋友黎食晚餐，估唔到都有驚喜。
我地今次就叫左個set dinner($168) 同一個香烤汁燒豬肋骨($98)。
Set dinner 包左一個湯、蒜蓉包同少少既沙律。個湯係蕃茄湯，蕃茄味非常濃，酸甜度適中，非常醒胃。而蒜蓉包亦十分香脆脆口，絕對係新鮮整既。
Set dinner既主菜我地就叫左紅酒燴牛面肉飯。牛面肉估計係用慢煮既方法烹煮，入口即溶，又留有陣陣既肉汁同牛味，食完d牛味係口腔內停留好一陣子，令人回味。
至於d飯亦都係採用意大利飯，較細粒同有咬口，粒粒分明，就算同紅酒汁一齊食都唔會太淋。
豬肋骨亦係另一驚喜。豬肋骨燒得剛好，食落口留有肉汁，唔會太乾。
重點在於肋骨上面既bbq醬，厚厚一層鋪係上面，味道適中，又為豬肋骨加上水份，配合剛好。
同碟亦有配上薯條，薯條係用新鮮薯仔整既，薯仔味十足，外皮炸得香脆，餐廳係薯條上加左少少既黑松露，令薯條味道更有層次。炸薯條既火喉亦剛好，食落唔會覺得熱氣，食得多都唔覺口乾，反而越食越上癮，我同朋友都難得地食哂成碟薯條。
總結今晚晚餐性價比非常高，值得推薦。
張貼
