A Bowl Of (已結業)

好中意呢間野,第一次來,但好有家既感覺,好唔似一般既食店。呢度好多擺設同用具都好得意,連牆都好色彩繽紛,令人好開心。我係飲品櫃選了一枝意大利製造既血橙梳打,非常好飲,仲好特別。飲得出有新鮮血橙汁,加埋梳打好FIZZY,正!是日餐湯係薯仔湯,飲得出係真材實料既薯仔,味道好濃,仲配埋餐包,可以點湯食。主菜係個意大利SMOKED BEEF包,個包有好重既橄欖油味,SMOKED BEEF都好香,而且份量好多,加埋火箭菜同CHERRY TOMATOES,相當美味。平時唔算好中意食意式包,但今次覺得好好味,可能係即叫即整既關係吧!好新鮮。另外叫左杯中式茶,好多茶葉。見佢好多沖茶既器皿,冇諗過食到咁正宗既意式野又飲到咁正宗既茶。同老闆傾多幾句,佢仲請我食水果杯添,裡面有新鮮既RASBERRY,STRAWBERRY同埋迷你藍莓,好味!我最中意就係莓味水果。