影片
更多
2018-10-22
1908 瀏覽
一早約左火柴妹星期六放工一齊去high high tea, relax 下，點知酷兒原來放工都得閒，好野，一齊happy gathering! 本身唸住去hysan high 靚tea, 而家多啲人就不如轉場去cafe 嘆下咖啡hea下喇！最近城中大熱搞搞新意的咖啡店《Mamaday》正餐時間好多人排隊，熊妹一早已經聽聞過，而家下午茶時間，熊妹仲唔拉大隊去試下，睇下有咩噱頭野？原來位置都有點難揾，唔係銅鑼灣鬧巿大街，係鵝頸橋近跑馬地個邊，大昌食品店隔離的大廈門口入，上一樓就到。噱頭一：門口上到去，大門係關上的，大概想到訪的食客請留意門口大字告：只招待會員，會員條件係舌頭👅舔到手肘💪🏻。其實唔係真係要入咩會先可以進食，意思應該係食物會好食到食客會舔到手肘都唔放過。真係好應該下午茶🕟呢個時段黎，餐廳有兩三張枱坐上食客，其餘有七八成的餐枱是無人的！完全唔洗等位就有得坐，無需感受傳聞中等位等到傻的情況，噱頭二：自創哲學藝術餐廳環境怖置得美美的，五顏六色🎨，七彩繽紛🎰；地方寬敞，柔和燈光💡，令人心境好開朗，👀眼前一亮。仲有塗鴉的牆壁💮，有西人頭像🧔🏽，仲寫上🖍自創哲學字句：We reali ne
最近城中大熱搞搞新意的咖啡店《Mamaday》正餐時間好多人排隊，熊妹一早已經聽聞過，而家下午茶時間，熊妹仲唔拉大隊去試下，睇下有咩噱頭野？原來位置都有點難揾，唔係銅鑼灣鬧巿大街，係鵝頸橋近跑馬地個邊，大昌食品店隔離的大廈門口入，上一樓就到。
噱頭一：門口上到去，大門係關上的，大概想到訪的食客請留意門口大字告：只招待會員，會員條件係舌頭👅舔到手肘💪🏻。其實唔係真係要入咩會先可以進食，意思應該係食物會好食到食客會舔到手肘都唔放過。
真係好應該下午茶🕟呢個時段黎，餐廳有兩三張枱坐上食客，其餘有七八成的餐枱是無人的！完全唔洗等位就有得坐，無需感受傳聞中等位等到傻的情況，
噱頭二：自創哲學藝術餐廳環境怖置得美美的，五顏六色🎨，七彩繽紛🎰；地方寬敞，柔和燈光💡，令人心境好開朗，👀眼前一亮。
仲有塗鴉的牆壁💮，有西人頭像🧔🏽，仲寫上🖍自創哲學字句：We reali need a day between Saturday and Sunday! 係岩喎！香港人大多數都是逢一至五工作營營役役，努努祿祿，有些甚至星期六要返半奏，到星期六日先可以抖一抖，竭一竭，不就正正很渴望星期六日中間這段抖氣的時間可以延長點嗎？雖然人所皆知這是無可能，因為一天就只得廿四小時，但這個哲學理論都說出大部份香港人心聲，共鳴一下，為香港人打打氣喇💪🏻！
噱頭三：節日裝飾臨近節日，很多餐廳咖啡店都會裝飾怖置一下🎊🎈🎏，搞搞節日氣氛。來緊的節日就緊係趕上十月尾班車的西方鬼節🧟♀️🧟♂️萬聖節🎃喇。周圍都會發現有好蜘蛛🕷️，蜘蛛網🕸️，蜘蛛絲，仲有骷髏骨頭💀，當然全部都係假的喇，放心，不是衛生問題。
噱頭四：製作精美餐牌，搞搞新意菜單餐單設計得好有心思，用上多個表情豐富的大頭BB👶🏻，非常搞笑。而且菜式名稱仲搞鬼，例如：不外如是黑松露野菌比薩，普通到無得再普通既炸魷魚圈，平凡到無得再平凡的炸洋蔥圈等等.......，明明都係咖啡店一般有整的菜式，但加左好多廣東話元素的形容詞，令到成個菜式頓時變得好生動活潑。
可能會失望温泉蛋明太子意大利麵
$94
74 瀏覽
0 讚好
0 留言
唔算好大一碟，意粉份量唔算多，配料份量就一點都唔吝嗇，蟹柳捧有三條，岩岩好一人一條，面頭鋪滿日本木魚片，中間有隻温泉流心♨️蛋🥚，彈牙的明太子醬掛滿每條意粉🍝，好濃稠，口感好豐富，只係份量少左啲。
餐碟🍽都有花點功夫，特製印有店鋪名句「Mamaday So far so good」，特此證明係屬於自己店鋪的餐碟，好有心思喎！
千島醬軟殼蟹比薩
$138
59 瀏覽
0 讚好
0 留言
熊妹留意到係其中一個無加額外形容詞的菜式。
呢個比薩🍕真係頂呱呱👍🏻，好唔錯！
首先，軟殼蟹🦀係原隻放係比薩中央，size都唔細架，蟹腳，蟹鉗，蟹殼，蟹身樣樣齊，最驚喜的係切落去時有蟹粉架！堅係好足料，唔係普通一隻蟹仔hea上場，而且炸得好脆口但又唔算好油，唔會覺得食到成口油陣陣。
比薩餅底雖然唔係熊妹愛吃的厚批，但呢個薄脆餅底都好有驚喜！唔係餅乾咁乾爭爭，係脆得黎又有啲咬口，而且薄薄地連肥膩的軟殼蟹咁食，反而俾厚批夾啲，唔會覺得好濟好飽，再加埋菠蘿粒🍍同蟹柳絲墊底，千島醬的酸酸甜甜，成個比薩的口感真係無得彈，好好味呀！個個都讚口不絕！真係要食到舔手肘喇！
再留意下個pizza托原來都係自家托刻有《Mamaday》個名架。
唔甜的紫薯蛋糕
$48
65 瀏覽
0 讚好
0 留言
黎cafe high tea，當然唔少得叫件cake🍰喇。紫薯蛋糕都係呢度的出名作。講到明唔甜的，又真係唔係好甜喎！面頭係一層新鮮天然紫薯粒🍠層，係食到一粒粒紫薯蓉粒，講明其實用新鮮天然的紫薯係唔會好甜架，除非用上妨紫薯味的糖醬做，所以菜式名稱指唔甜意思就即係新鮮天然，係好有料到！
中間一層係紫薯忌廉芝士層🧀，少少忌廉芝士酸，都幾夾。
餅底就係典型做凍餅的消化餅底，可能牛油唔係好多，餅底唔係好結實，散左少少。
伴碟餐具🍴都真係有花上心思，伴隨的3隻小叉都以黑、銀、金呈上，唔會用好死板的餐叉。
不外如是雞翼
$68
65 瀏覽
1 讚好
0 留言
食到真係未夠喉，酷兒同火柴妹都建議叫點小食，揀黎揀去又唔想食炸物太熱氣，就試下雞翼喇。味道就由熊妹發板，熊妹揀左🍯蜜糖芥末味，唸住特別啲。
雞翼都有6，7隻小的，皮焗得脆脆地，蜜糖芥末係醬汁吱上去，芥末味都幾重，係有啲攻鼻但算好辣，係幾特別的。
手工紫薯牛奶，放心唔係好甜既抹茶沙冰
$48
73 瀏覽
0 讚好
0 留言
熊妹點的，因為知道係招牌推介。
都幾大一杯，凍的，粉紫色好靚靚。
其實都標榜住用天然新鮮紫薯🍠，所以唔太甜，同紫薯蛋糕味道差不多，成杯都係天然紫薯粒，然後上面有一層好重牛奶🥛的奶泡層，唔太甜感覺係幾健康，不過可以甜多少少會好味啲。飲哂都幾飽肚，始終好多紫薯粒。
放心唔係好甜既抹茶沙冰，$48
唔知店長係咪怕食客成日嚷著飲品會好甜，所以咩都標榜唔甜先。
火柴妹點的，因為想飲凍野，都好大一杯，好重抹茶味🍵，唔會俾沙冰溝稀左抹茶的味道。都唔係”唔係好甜”呀，都甜甜地架，因為見到有加煉奶，沙冰質感好好，唔會擺耐左溶得快變水，係幾出色的一杯沙冰🍧。
烘過了的棉花糖咖啡
$56
81 瀏覽
0 讚好
0 留言
酷兒想飲咖啡☕️，又想飲甜少少，見有棉花糖都幾吸引。
幾驚喜的一杯特式咖啡！中間有一粒烘過的大粒棉花糖，而咖啡杯入面都浸浴著好多粒細棉花糖，當拎起咖啡杯小嚐一口，咖啡會係小棉花糖下層流動，同時與小棉花糖一起飲下，係好配合的味道，棉花糖的甜唔會蓋過咖啡的香濃，咖啡的苦澀又能與被棉花糖溶化，好讚喎！
《Mamaday》只是一間小小的咖啡店，但能夠以創新的設計及不同的藝術與心思係cafe界中突圍而出，係幾成功的！不過熊妹有留意到💰價錢上開始有上升🔝，暫時都還合理，希望小店會繼續努力以本經營喇。星期六係good day，返工變成bad day，放工happy gathering 就黎到mamaday, nice!
張貼
