影片
更多
2018-06-09
51 瀏覽
呢晚黎到Bistroholic，為左試佢地個Tasting Menu。之前係$780 2位，咁橋今次諗住黎試就岩岩今晚轉左餐牌，而且貴左少少$820 2位，都試下啦，因為上次食完佢個A La Carte menu實在太驚艷！一直心掛掛！環境細細，好似食私房菜咁。A La Carte menu一啲都唔平，上次我地食左一個沙律，一碟意粉，一碟慢煮豬已經6百幾。點解上次無叫餐？因為Tasting Menu無signature Smoked Salad。今次叫餐有麵包跟埋，佢話係自家製麵包，而今次呢個係桂圓紅棗麵包。烤過先拎出黎，熱辣辣，個包甜甜地，配埋個自家製蕃茄紫薯醬，好好食呀！前菜有沙律，個名好長：冷漬茶葉鵪鶉蛋配炭烤蜂蜜醃火腿拌檸檬乾蔥些厘醋沙律。超好食！所有材料放埋一齊係夾既，茶葉鵪鶉蛋有茶味又夠入味，最得係個沙律醋，自家調配，每條菜都被沙律醋包住，食得出廚師既用心！呢個廚師整沙律真係有一手既！侍應仲話佢地用既係有機菜，所以啲菜特別新鮮！另一個前菜係：燒烤油封章魚配炸南瓜粟米糕拌青檸香茅塔塔醬。章魚鬚煮得尚算軟身，調味調得岩岩好，上面既火箭菜好新鮮好濃味，就咁食都好好食。塔塔醬食得出
環境細細，好似食私房菜咁。
A La Carte menu一啲都唔平，上次我地食左一個沙律，一碟意粉，一碟慢煮豬已經6百幾。點解上次無叫餐？因為Tasting Menu無signature Smoked Salad。
今次叫餐有麵包跟埋，佢話係自家製麵包，而今次呢個係桂圓紅棗麵包。烤過先拎出黎，熱辣辣，個包甜甜地，配埋個自家製蕃茄紫薯醬，好好食呀！
前菜有沙律，個名好長：冷漬茶葉鵪鶉蛋配炭烤蜂蜜醃火腿拌檸檬乾蔥些厘醋沙律。超好食！所有材料放埋一齊係夾既，茶葉鵪鶉蛋有茶味又夠入味，最得係個沙律醋，自家調配，每條菜都被沙律醋包住，食得出廚師既用心！呢個廚師整沙律真係有一手既！侍應仲話佢地用既係有機菜，所以啲菜特別新鮮！
冷漬茶葉鵪鶉蛋配炭烤蜂蜜腌火腿拌檸檬乾葱些厘醋沙律
0 瀏覽
0 讚好
0 留言
另一個前菜係：燒烤油封章魚配炸南瓜粟米糕拌青檸香茅塔塔醬。章魚鬚煮得尚算軟身，調味調得岩岩好，上面既火箭菜好新鮮好濃味，就咁食都好好食。塔塔醬食得出係自家調配，真係食到淡淡既香茅味！
之後係是日餐湯：甜椒蕃茄湯。兩者味道好平均，但普通左啲，算合格既。
燒烤油封章魚配炸南瓜粟米糕拌青檸香茅塔塔醬/甜椒蕃茄湯
0 瀏覽
0 讚好
0 留言
其中一個主菜係：手撕鴨腿肉醬扁平麵。好普通，普通到有啲失望。同上次個碟意粉真係無得比（等等先再講好食個碟）。
手撕鴨腿肉醬扁平麵
0 瀏覽
0 讚好
0 留言
另一主菜係：啤酒燉豬臉頰配波羅門參芹菜泥。豬肉燉得夠淋，入哂味，好味既。連拌碟既菜都用心煮過！我地食到一件不漏。
啤酒燉豬臉頰配波羅門參芹菜泥
0 瀏覽
0 讚好
0 留言
最後有兩個甜品：Chocolate Brownie & Traditional Tiramisu。個Brownie真係好普通，唔算好食。我對Tiramisu本來充滿期待，因為上一次佢話自已個Tiramisu整得好好食，但可惜唔係我杯茶。
Chocolate brownies / Tranditional Tiramisu
1 瀏覽
0 讚好
0 留言
個Tasting Menu真係令我有啲失望既.....明明上次散叫真係好有驚喜，3樣都好好食.....
首先呢個煙燻沙律，用左蘋果木既煙煙燻住出嚟，係你面前打開個刻真係好香。食既時候，無論食菜定豬肉定風乾菠蘿，每一啖都充滿住蘋果木煙燻嘅香味！菜又新鮮，沙律汁又好味，總之真係好好味，食完心花怒放！
Fresh Smoked Confit Matsusaka Pork Salad with Home Dried Fruit and Mixed Nut
$138
5 瀏覽
0 讚好
0 留言
呢個老虎蝦台灣椒意粉，個意粉汁整得好好食，蝦夠鮮甜，配上台灣辣椒酸酸辣辣，真係好特別好好食，好難得！
另外呢碟慢煮豬亦係高質素之作，成碟菜砌得好靚，塊豬慢煮完再煎香左表面先上碟，好淋好香口！直頭有5星級酒店既水準！
0 瀏覽
0 讚好
0 留言
懷住滿滿期待再次光顧，試佢地既Tasting Menu，侍應話因爲A La Carte Menu 4,5個月先轉一次，老闆為左食客帶黎新鮮感，就設計左每月轉一次既Tasting Menu，但食完今次呢個Tasting Menu真係有啲失望....
呢間餐廳晚餐時間人唔多，坐得舒服既，服務好好，但價錢就一啲都唔平，下次都係食番A La Carte Menu好了。真係好好食！
張貼
