影片
更多
2012-03-10
34 瀏覽
12月5日, 我們的123週月快樂~ *O* 一直知道北角有間AGE專食dry-aged牛扒, 不過就良久都未抽到時間去試… 今晚諗住喺鰂魚涌附近食飯, 竟然又搵到佢新開嘅分店! 藏身工廈嘅新店名字後面追加咗cuisine express二字, 擺到明主打快餐外賣生意多~ 都expect咗佢唔係好似主店咁fine dining, 但估唔到佢呢到裝修都算唔錯~ 可能因為新開張, 環境仲保持到乾淨企理, 牆色同燈光暗暗地加埋d聖誕裝飾又幾有情調~::: 珍寶蟹脆蟹餅 伴粟米莎莎 :: $68實在係有少少比佢個名搞到誤會咗… 以為個蟹餅係jumbo size… 嚟到發現佢係分成三小個, 每個蟹餅底部有片沙律菜, 上面放上少少粟米莎莎, 雖然比想像中細件但賣相不失精緻. 而且蟹餅確實真材實料~ 香脆外層入面包住啖啖蟹肉~ 伴埋香甜嘅粟米莎莎醬更顯蟹肉鮮味!::: 磨菇, 風乾火腿薄餅 9” ::: $108薄餅係傳統意大利薄餅, 批底厚薄適中而且烤得香脆~ 餡料有蕃茄醬、蒜片、水牛芝士、磨菇、巴馬火腿片、黑松露醬, 本身仲有因為我地唔食所以走咗芝麻菜. 薄餅一上台已經聞到薄薄黑松露香, 佢地d
一直知道北角有間AGE專食dry-aged牛扒, 不過就良久都未抽到時間去試… 今晚諗住喺鰂魚涌附近食飯, 竟然又搵到佢新開嘅分店! 藏身工廈嘅新店名字後面追加咗cuisine express二字, 擺到明主打快餐外賣生意多~ 都expect咗佢唔係好似主店咁fine dining, 但估唔到佢呢到裝修都算唔錯~ 可能因為新開張, 環境仲保持到乾淨企理, 牆色同燈光暗暗地加埋d聖誕裝飾又幾有情調~
::: 珍寶蟹脆蟹餅 伴粟米莎莎 :: $68實在係有少少比佢個名搞到誤會咗… 以為個蟹餅係jumbo size… 嚟到發現佢係分成三小個, 每個蟹餅底部有片沙律菜, 上面放上少少粟米莎莎, 雖然比想像中細件但賣相不失精緻. 而且蟹餅確實真材實料~ 香脆外層入面包住啖啖蟹肉~ 伴埋香甜嘅粟米莎莎醬更顯蟹肉鮮味!
::: 磨菇, 風乾火腿薄餅 9” ::: $108薄餅係傳統意大利薄餅, 批底厚薄適中而且烤得香脆~ 餡料有蕃茄醬、蒜片、水牛芝士、磨菇、巴馬火腿片、黑松露醬, 本身仲有因為我地唔食所以走咗芝麻菜. 薄餅一上台已經聞到薄薄黑松露香, 佢地d蕃茄醬唔知係咪自家製, 感覺上好似唔夠一般茄醬濃, 但就有陣蕃茄嘅自然清甜味. 蒜片、芝士同巴馬火腿負責帶出鹹香, 表現恰如其分~ 成個薄餅味道豐富但唔會好膩~ 不錯!
::: 香草紅酒慢燴和牛面頰肉伴意大利飯 ::: $128呢度話晒都係AGE嘅分支店, 試唔到dry-aged牛起碼都要試下個slow cook牛丫~ 仲要係和牛面頰添! 淨係個名都覺得矜貴過人~ 又估唔到呢個價錢d份量都唔少喎! 和牛面頰都幾多舊, 口感其實似炆到淋晒嘅牛腩. 不過可能因為牛面頰半身唔多脂肪, 所以唔算十分嫩滑, 不過牛味幾濃~ 放喺牛肉下面嘅意大利飯煮得正宗有咬口, 加上索咗d牛汁, 好好味~
::: 自家製意式芝士餅 ::: $48去到邊都要試下d tiramisu嘅呀菲聞說呢度嘅出品都唔錯~ 當然又叫咗嚟試! 不過我明明係堂食但個tiramisu都係用d膠兜裝住感覺就有d唔環保. 味道方面芝士味道都幾香甜~ 不過我就嫌底d ladyfingers無乜咖啡酒味, 有少少美中不足咁啦~
可能佢仲係新, 今日平日夜晚除咗我地之外就淨係得1枱客~ 環境超靜, 好似比我地包咗場咁. 侍應態度都幾有禮貌, 不過就因為我地坐咗入房所以成日都叫唔到人嚟咁, 下下都要嗌出去叫人, 但有次嗌完先發現有侍應企喺附近… (勁失禮…) 整體食物係真係幾好味, 有機會會再嚟食~ 或者試埋北角嘅總店!
張貼
