The Point - Pizza & Pasta (將軍澳中心) (已結業)

今日天氣凍到痴左線，所以喺樓下食，一向酒鬼既我見到門外嘅櫃擺滿好多酒，非常吸引，就決定入去食晚餐。餐廳環境非常闊落，樓底非常高，空間感十足。牆身有一啲類似希臘神話嘅painting，係餐廳一個特色。今次點嘅菜冇咁大眾化，並唔係pizza、扒等等。首先上菜嘅係紅酒燴和牛肋肉配蜆殼粉，蜆殼粉非常索汁，口感偏硬，main point係和牛肋肉，非常軟身入味，紅酒汁令和牛更香，更惹味。之前食過其他餐廳既chicken lillipop，但the point既chicken lilipop應該係最出色，咬一咬就可以將肉同骨分離，外皮酥脆，蜜糖燒烤醬更加畫龍點睛，酸酸甜甜味道同雞肉非常配合。食西餐第一次叫湯飯，飯浸係湯入面依然保持脆口，湯飯內有大蝦、蜆、青口同三文魚腩，所以湯充滿海鮮味，非常鮮甜。分量亦非常足夠。隻蝦真係非常大隻。下次再想食fancy既食物，一定黎呢度the only point。