百芳池上便當 (希慎廣場)

營業中

休息中

已經差唔多三年冇去過台灣啦，成日心思思想食地道嘅台灣餐，但奈何疫情嘅關係根本唔會有機會可以去到旅行💩 嗰日係hysan行完誠品，上foodcourt見到有正宗台灣便當，諗住平平哋試吓都不妨🤔我就叫咗個滷水雞扒便當，賣相方面真係冇乜好挑剔嘅地方，份量大而食物種類亦多元化。 除咗主角滷水雞扒煮得十分入味外，便當入面嘅粉絲亦香口惹味，肉類同蔬菜類平均分配，除咗好食之外亦都幾健康。呢碟香烤台灣腸則喺全枱最香😍 外脆內軟加上香腸包住嘅油脂香😋肉燥鹽酥雞伴面。肉燥的確係幾惹味，但我覺得鹹度差少少。好在鹽酥雞上嘅胡椒提亮左成個dinner set👍🏻最後我哋叫咗杯芝士奶蓋紅苺果茶，雖然奶蓋嘅芝士味香濃突出，但即使將兩者溝埋一齊，佢走嘅依然係比較清新嘅路線，飲完唔會驚好濟！