咖啡空間

營業中

休息中

同妹妹兩人，想chill 又想tea，又唔想太貴，終於搵到呢度。呢度既set lunch/dinner都係$60- $70左右。 已經包括了main course同一杯飲品 （紅茶/檸檬茶） 仲有一個餐湯。我地分別點了3及6。新加坡喇沙海鮮米線入邊嘅配料好豐富，有青口，蠔，魷魚同蝦。聞落去已經超級香嘅咖喱喇沙味道。米線爽口彈牙唔會話煮得太過林。肉醬意粉配西西里意大利雲吞雲吞粒粒飽滿，入邊直情好似包左粒肉丸喺入邊。肉醬意粉甜酸度適中，意粉都大有少少咬口嘅感覺。混沌咖啡（跟餐配加$10）咖啡味又香又濃郁，口感順滑，香味一直停留喺口腔入邊。