A Tavola Bar & Grill (已結業)

平時好少黎將軍澳呢頭，今日一支公黎左呢間叫A Tavola Bar & Grill既西餐廳食野，好似主打意大利菜。餐牌有前菜，沙律，烤肉，海鮮，意粉，漢堡包，薄餅，兒童餐，甜品。海鹽胡椒大蝦配時令雜菜及特製檸檬牛油醬汁 $215 另加一今日想食海鮮，喺4款海鮮之中揀左呢款海鹽胡椒大蝦。一客三隻大蝦，燒得好香，肉質唔差，味道夠味，伴另上嘅番茄燒汁味道就更濃。下底墊左少少味道調好嘅薯蓉，伴碟有兩粒車厘茄同少少脆瓜。意大利咖啡蛋糕 $55 另加一意大利咖啡蛋糕一上枱都有啲驚喜，蛋糕好大個，賣相唔錯，面頭加左半粒士多啤梨又擠左朱古力同士多啤梨醬，再灑上糖霜點綴。蛋糕層次清析，兩層lady fingers夾住香滑忌廉，上面一層薄薄嘅朱古力醬。食落非常濕潤，帶微微嘅咖啡味。我平時唔太好咖啡，都幾鍾意呢個Tiramisu。呢餐都唔錯，我特別鍾意個意大利咖啡蛋糕。氣氛好鬼佬酒吧感覺，服務員態度都唔錯。設有戶外露天餐座，對住開揚靚樓景同馬路，感覺好舒服。