海街丼 (北角匯二期)

營業中

休息中

有時公司放lunch，我會走到北角嗰邊食，貪嗰邊少人啲。其中喺北角匯嘅”海街丼”，算係平民又好食嘅日本丼飯餐廳。餐廳有唔少卡位，亦有唔少單丁位。所以就算係一個人或者約一班人嚟其實都會好enjoy，我特別鍾意佢嘅冷氣唔會校得好凍。另外餐廳面積唔大，啲自然光照晒成個餐廳，其實食得幾舒服，影相都靚啲。鹿兒島A4黑毛和牛丼 $155 - 百幾蚊有和牛飯食？原本以為會係一般質素嘅和牛。原來咬落油脂感好豐富，調味充足，面積偏大，相當好食！我食第一啖已經覺得個飯好抵😅。醬汁吞拿魚牛油果丼 $150 - 呢個丼，健康，豐富，調味充足。上面本來已經鋪滿芝麻，加上醬汁同另外提供嘅啫喱，味道上已經好足夠，所以吞拿魚同牛油果嘅角色喺度似係提供質感上嘅幫助多啲。整體亦都食得非常舒服。令外每個飯已經跟咗餐，有前菜、湯同茶等等。A quick lunch，都可以食得舒服又唔貴嘅。