誠拉麵 (已結業)

自從有地鐵方便嚟紅磡另一方後，多左行Aeon。今日行完買左野，就係度食埋飯。黑指黑蒜油豚骨拉麵，今日特別餓就叫特，咩多加啲！$89紫菜三片、木耳絲、蔥、半熟蛋一隻及叉燒三片。黑蒜油似屋企煮咁，岩岩好有味唔好咸，健康得嚟又有蒜味甜甜。叉燒都幾大塊，係有d肥肉。因為肉同肥肉都好軟，所以唔似食左肥肉，呵呵。最驚喜係唐心之半熟蛋，做得非常好！係依一年係food count街頭拉麵店食過最正！做得水準，有蛋汁啫喱外，蛋白岩岩凝固好，口感細密。拉麵份量大過普通，食落近1.5個！麵質處理都唔錯，完全無因food count文化要快而hea。麵質硬度岩岩好，對於我食得慢既人嚟講，食到尾都係林少少啫，keep到！赤指赤豚骨拉麵，男人當然食大份量啦！$89都係紫菜三片、木耳絲、蔥、半熟蛋一隻及叉燒三片。湯底味香辣似茶樓好中式辣味，食落好少辣，有crossover感覺呢。兩個都加左套餐$22，包汽水。一個要餃子三隻。不過不失，肉料少左少少，皮還可以的。一個要細叉燒丼欣賞軟白飯，老少咸宜食。廚師處理好叉燒既肥肉，食落係九成瘦肉一成肥既飯，少許汁同多葱，有啖啖肉風味。