影片
更多
2023-05-08
98 瀏覽
大隻仔今次覓食嘅店舖就係💥 AERA 💥 法國五月，當然要食法國菜，近年灣仔開咗好多間高質西餐廳，大隻仔今日介紹呢間fine dining 餐廳「AERA」行簡約精緻優雅法國餐路線。餐廳新開張冇幾耐，定價唔高，但食物質素不錯，dinner tasting menu $1188已經有12款食物菜式，呢個價錢只可以喺日本餐廳 omakase lunch 食10幾件壽司。另外，餐廳搵咗調酒師精心挑選不同國家年份餐酒做wine pairing，都係$399起，識得欣賞美食配美酒嘅朋友一定要試吓。餐廳播放着柔和音樂，從餐廳內望住灣仔繁華嘅景色，另有一番風味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Tasting Menu $1188 （另加一服務費）Amuse Bouche 三款餐前精緻小點心包括：春卷，甘筍撻，蜜糖麵包1. 春卷：用焦糖炒香青蔥加入芝麻、椰絲做餡料，帶有香茅、檸檬味道，味道好清新，甜甜地幾開胃。2. 甘筍撻：用上日本人蔘做
💥 AERA 💥
法國五月，當然要食法國菜，近年灣仔開咗好多間高質西餐廳，大隻仔今日介紹呢間fine dining 餐廳「AERA」行簡約精緻優雅法國餐路線。
餐廳新開張冇幾耐，定價唔高，但食物質素不錯，dinner tasting menu $1188已經有12款食物菜式，呢個價錢只可以喺日本餐廳 omakase lunch 食10幾件壽司。
另外，餐廳搵咗調酒師精心挑選不同國家年份餐酒做wine pairing，都係$399起，識得欣賞美食配美酒嘅朋友一定要試吓。
餐廳播放着柔和音樂，從餐廳內望住灣仔繁華嘅景色，另有一番風味。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️⭐️
抵食 ⭐️⭐️⭐️⭐️⭐️
服務 ⭐️⭐️⭐️⭐️⭐️
環境 ⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 Tasting Menu $1188 （另加一服務費）
Amuse Bouche
三款餐前精緻小點心包括：春卷，甘筍撻，蜜糖麵包
1. 春卷：
用焦糖炒香青蔥加入芝麻、椰絲做餡料，帶有香茅、檸檬味道，味道好清新，甜甜地幾開胃。
2. 甘筍撻：
用上日本人蔘做purée 唧入撻內，再放上甘筍片裝飾，賣相好靓好精美，味道帶微辣，撻皮好鬆化，好好食。
3. 蜜糖多士：
麵包多士帶少少miso味，蜜糖牛油味道好突出，食完滿口牛油鹹香味，極之好食。
大隻仔俾蜜糖多士滿分。💯
Amuse Bouche
$1188
8 瀏覽
0 讚好
0 留言
Starter
Mussel Panna Cotta:
充滿青口海鮮味道既一道菜式，底層鋪上新鮮青口肉，再加入好滑既奶凍，鋪上炒洋蔥同矜貴caviar，一啖放入口充斥着味蕾。
Mussel Panna Cotta
$1188
12 瀏覽
0 讚好
0 留言
Bread
Sourdough bread:
好新穎嘅製作方法，加入日本萬字醬油，超級好食，麵包做到外脆內軟，外皮超級鬆脆，麵包內裏仍然保持濕潤，麥味好重，非常高質素嘅酸種麵包，就算唔點伴隨既自家製牛油醬都超級好食。
大隻仔推薦酸種麵包。😋😋
Sourdough bread
$1188
9 瀏覽
0 讚好
0 留言
2nd Starter
Handcraft Ravioli:
進入蘑菇之旅嘅一道菜色，食完滿口香菇味。
用ricotta cheese做成既乳青炒香蘑菇包成意式小雲吞，餡料味道好香濃，再加上用牛肝菌熬製而成既清湯，每一啖都被香茹味道包圍住。🍄🍄
Handcraft Ravioli
$1188
14 瀏覽
0 讚好
0 留言
3rd Course
燒本地三黃雞腳 配 檸檬蜂蜜梳打：
超級落功夫嘅一道菜式，先醃製再風乾再燒煮，前後用咗三日時間製作而成。
做法有啲似炸子雞，用上三黃雞，雞味重，肉質嫩滑，有彈性，將三黃雞腳燒到外皮好脆，而肉質仍然保持超級嫩滑，咬一啖，雞油標晒出嚟，超級好食。食完可以飲伴隨檸檬蜂蜜梳打，有清口腔同去油膩嘅作用。
大隻仔大力推薦燒本地三黃雞腳。👍👍
燒本地三黃雞腳
$1188
8 瀏覽
0 讚好
0 留言
4th Course
海膽馬友魚：
馬友魚上鋪滿北海道海膽，放上cabbage再灑上柚子皮碎，味道清新，牛油泡沫帶少少鹹香味，味道做得好出色，馬友魚有鮮魚味加上海膽一齊食更加滑溜。
海膽馬友魚
$1188
9 瀏覽
0 讚好
0 留言
Main
Pigeon or A3 Wagyu + $248
1. Pigeon
Dry aged 過既pigeon 更加重鴿味，肉質仍然保持嫩滑，而且外皮燒得好香脆，真係要讚吓師傅嘅技術，幾道菜式都可以將食物燒到外皮香脆而肉質嫩滑。👍👍
伴碟都十分講究，淨係要山藥既中心位，山藥鮮嫩，超級爽脆。
鴿腳配上麻醬同花生碎，以增加口感。
Pigeon
$1188
6 瀏覽
0 讚好
0 留言
2. A3 Wagyu
日本宮城縣A3和牛，加上白松露片點綴，感覺更加高級。
選用A3和牛，可以冇咁油膩，而又有牛肉味道，和牛肉質超級嫩滑，入口即溶。
另一食法，可以將和牛切細粒放入米餅上一齊進食，會有另一個口感。
A3 Wagyu + $248
$1188
4 瀏覽
0 讚好
0 留言
Pre-Dessert
用藍莓同姜製成嘅sorbet 再倒入自家製kombucha，味道突出，混合一齊食有少少似飲梅酒既感覺。
Pre-Dessert
$1188
8 瀏覽
0 讚好
0 留言
Dessert
靈感來自馬來西亞既Teh-C Special / 3色奶茶，所以呢個甜品都有3層。
奶泡沫下就係雪糕同用小麥草做成嘅sponge，底部加入椰糖，餐廳建議用匙羹筆到最底層，一啖試晒所有味道，蛋糕好鬆軟，奶味香濃，味道有少少似燕麥奶。
Dessert
$1188
7 瀏覽
0 讚好
0 留言
Petit Four
酒糟青檸瑪德蓮Madeleine，上碟時仲暖暖地，味道清新，十分鬆軟。
雪球餅
質感幾得意，似用奶粉製成嘅雪球餅。
青檸棉花糖
新鮮即製棉花糖，質地軟綿綿，入口即溶，帶青檸酸味，好好食。
整成金色嘅軟糖
最後食一粒甜甜地嘅Q彈軟心糖果做結尾，大滿足。
Petit Four
$1188
8 瀏覽
0 讚好
0 留言
食後評語：
超凡服務，服侍周到，有禮貌，會留意客人每一個細節，真正做到fine dining 用餐體驗。
大隻仔同朋友想share主菜來食，未出聲要求多一把餐刀，侍應已經細心送到面前，超級加分。
而且介紹每一道菜式都好清晰，完全知道食緊乜嘢。
張貼
