醉標無骨海南雞 (已結業)

呢間海南雞小店係保安道街市隔離。佢嘅無骨海南雞飯份量好多。男仔食一盒都夠飽，細食女仔可以考慮少飯。海南雞雞肉好軟滑，雞味佳。一定要點埋佢個泰式醬汁，非常惹味。醬汁辣度比起一般雞鋪嘅辣多少少，都幾有泰味。雞件去骨方便老人家同小朋友食用，不過如果脾位會附骨。雞件下邊有配青瓜粒，餸飯食不錯。飯係偏軟，應該係黃薑粉調味，唔係雞油，所以食落比較健康。甜品：冰糖雪燕大推！！甜度適中。雪燕份量非常之多。食起黎濃稠，有質感。味道很好！有微奶香。乃驚喜之作。