影片
更多
2003-12-07
22 瀏覽
睇過火柴妹小姐o既食評, 又知道佢近排上過報紙雜誌, 所以o係好奇心驅使下, 尋晚o黎o左呢度試菜.呢間餐廳望佢地下門面以為好up dub, 其實佢o係地庫, 裝修得都幾華麗, 接近亞士厘道"爵樂" o既豪華風格. 黃昏六點幾o黎到無乜客, 無印籍樂師表演鄉里音樂, 又見唔到o個位好多o野講o既本地侍應(招呼我o既係兩位尼泊爾籍女侍應), 環境相當清靜, 坐得好舒服.見呢度賣o既係傳統北印度菜, 於是就叫o左我一向用o黎測試北印度餐館o既標準菜式- 巴辣雞, 芝士大力菜, 同青豆黃飯.同好多印式?館一樣, 呢度上菜之前都有免費o既炸薄脆(papadum)食, 而且仲係兩大塊添! 薄脆炸得幾鬆脆又唔油, 唔錯. 用o黎拌薄脆o既有'三小兜' - 薄荷醬(mint sauce), 印式泡菜(Indian pickle), 同泡洋蔥頭(pickled onion). 三樣都整得好好味, 薄荷醬夠濃滑, 印式泡菜好醒胃, 而泡洋蔥頭就意外地唔酸(我o係九龍城"正宗" 食到o既泡洋蔥頭酸到七彩! >_<), 保留番少少生洋蔥味. 唔! 連細眉細眼o野都造得好, 我諗主菜都應該掂喇
呢間餐廳望佢地下門面以為好up dub, 其實佢o係地庫, 裝修得都幾華麗, 接近亞士厘道"爵樂" o既豪華風格. 黃昏六點幾o黎到無乜客, 無印籍樂師表演鄉里音樂, 又見唔到o個位好多o野講o既本地侍應(招呼我o既係兩位尼泊爾籍女侍應), 環境相當清靜, 坐得好舒服.
見呢度賣o既係傳統北印度菜, 於是就叫o左我一向用o黎測試北印度餐館o既標準菜式- 巴辣雞, 芝士大力菜, 同青豆黃飯.
同好多印式?館一樣, 呢度上菜之前都有免費o既炸薄脆(papadum)食, 而且仲係兩大塊添! 薄脆炸得幾鬆脆又唔油, 唔錯. 用o黎拌薄脆o既有'三小兜' - 薄荷醬(mint sauce), 印式泡菜(Indian pickle), 同泡洋蔥頭(pickled onion). 三樣都整得好好味, 薄荷醬夠濃滑, 印式泡菜好醒胃, 而泡洋蔥頭就意外地唔酸(我o係九龍城"正宗" 食到o既泡洋蔥頭酸到七彩! >_<), 保留番少少生洋蔥味. 唔! 連細眉細眼o野都造得好, 我諗主菜都應該掂喇掛...
巴辣雞(Murgh Vindaloo; $68) - 味道同口感都拍得住樂道o既"Afgan Canteen" 同重慶大廈o既"咖喱王(Khyber Pass)", 大辣得o黎食到vindaloo 應有o既醋酸味, 係水準之作, 但雞件o既份量就唔夠Afgan o既巴辣雞咁充足, 而且仲要比Afgan 同咖喱王貴成十幾二十蚊, 好食得o黎唔係好抵.
芝士大力菜(Saag Paneer; $58) - 同Afgan o既一樣, 免治菠菜蓉好濃郁, 又有好多粒印式芝士, 但芝士就冇Afgan o既咁大粒, 同埋冇Afgan 芝士o既獨有甜味. 佢o既水準以印式?館o黎講係好好, 但始終唔及Afgan o既芝士大力菜咁好味.
青豆黃飯(Mutter Pullao; $38) - 黃飯炒得比Afgan o既較為濕身, 我唔太鐘意, 但飯o既份量就好大, 足夠兩個人食. 如果38蚊都唔夠一個人食o既話就真係抵打喇!
服務方面好周到, 尼籍女侍應時不時主動幫我斟水, 又問我o的o野好唔好食; 埋單時又有免費o既印式糖果(薄荷糖+ 茴香籽+ 印式香料) 濕o下口. 服務囉滿分!
埋單就襟計囉, 180蚊連加一, 睇怕唔少係去o左裝修同情調o個度, 我覺得唔抵. -_-
平心而論, 如果以菜式o既水準同味道o黎講, "Afgan Canteen", "爵樂", "咖喱王(Khyber Pass)" 同埋呢間"Surya" 可以話係尖沙咀最好食o既四間(北)印度餐廳. 講高級, 非"爵樂" 莫屬; 講質素同份量, 價錢公道同好服務, "Afgan Canteen" 就樣樣都做得到; 講平同大眾化(地茂), 莫過於"咖喱王". 而"Surya" 就介乎"Afgan" 同"爵樂" 之間, 味道只係僅次於"Afgan", 但價錢就拍得住"爵樂". 四間之中, "Afgan Canteen" 始終都係我o既首選.
P.S. To OpenRice Editor: please update the information related to 'Surya Restaurant':
Name (Eng): Surya Restaurant
Address: 尖沙咀麼地道34-48號麗東大廈地庫(近漆咸道南)
營業時間: 每日中午12時至下午3時; 晚上6時至11時30分
Tel: 2366-9902 / 2311-5961
菜式: 印度菜
消費: 豐(每人$101-$150)
Thank you!
張貼