kindergarten (已結業)

大坑都有好多出名既食店，今次比一間小紅磚屋吸引左，一個禮拜前已然book定，reserve左一個tea set。環境及擺設呢間cafe以幼稚園為主題，整體上個feel都幾童話得意。店裡放左幾本立體童話書，真係整到好靚，來到既客人應該都幾有公徳，所以書唔算殘舊。另外，鋪頭播啲歌實在一流！有yoga同方大同，個環境完全令我覺得非常寫意！食物三個人叫左一個tea set加三杯iced chocolate。tea set最底層係三文治，中間係muffin同拿破崙，上層係tart同朱古力饀既東西。賣相唔係豪華，但有比心思整到得意啲，有小朋友食茶點既感覺。味道方面整體都好食，平時仲意食甜點多啲既我，竟然比較中意佢地既三文治，最中意係個舊應該係煙肉既三文治，甜點就最好拿破崙，tart比想像中失色，唔太中意個cream。果個iced choco一定要叫啊！落到勁足料，主要以朱古力澀味為主，所以飲哂成杯我都唔覺膩！服務個度既服務絕對一流！個waitress會主動幫我地影相，全程勁nice勁好笑容！另外見到有人倒瀉野，個啲仲要係木枱好難清潔，佢都完全無不悦，態度值得嘉許！！呢間cafe絕對值得再來一次 ！