影片
更多
2021-04-12
2166 瀏覽
The Lounge 第二回@Afternoon Tea set.上次同朋友食完Tea buffet, 見到隔離枱食T set嗰啲甜品好精緻，決定今日食埋佢個T set。食tea set最緊要係食環境同埋可以有個好嘅氣氛同朋友慢慢傾偈, 嘢食好食更加係錦上添花。今次冇令我哋失望，首先係鹹點，佢個大蝦春卷蝦好新鮮，點埋個汁去油膩酸甜開胃。鮑魚撻有驚喜，粒鮑魚仔唔會太硬，咬落彈牙肉汁香濃，撻皮鬆脆。鵝肝配蜜瓜同多士一齊食啱啱好，蕃茄沙律可以中和下其他糕點嘅飽肚感，非常清新。 巴馬臣火腿配芝士多士一齊食，配搭得宜。甜點方面，全部都好出色，所有甜品都攞到三個重點，1.唔會太甜，迎合港人口味。2. 賣相精緻，睇得又食得。3.層次感豐富，一個甜點唔會只得一種口味。我特別鍾意食佢個綠茶紅豆牛角包🥐，望落去賣相好似好甜，切開一半原來入面嘅紅豆都係低糖，唔甜之餘仲有紅豆粒係入面煙煙銀銀，絕對唔係隨便整就整得到的。餐前為我哋準備咗兩杯冰茶，清清味蕾，餐後亦包一杯餐飲，感覺完整。
上次同朋友食完Tea buffet, 見到隔離枱食T set嗰啲甜品好精緻，決定今日食埋佢個T set。食tea set最緊要係食環境同埋可以有個好嘅氣氛同朋友慢慢傾偈, 嘢食好食更加係錦上添花。
今次冇令我哋失望，首先係鹹點，佢個大蝦春卷蝦好新鮮，點埋個汁去油膩酸甜開胃。鮑魚撻有驚喜，粒鮑魚仔唔會太硬，咬落彈牙肉汁香濃，撻皮鬆脆。
鵝肝配蜜瓜同多士一齊食啱啱好，蕃茄沙律可以中和下其他糕點嘅飽肚感，非常清新。 巴馬臣火腿配芝士多士一齊食，配搭得宜。甜點方面，全部都好出色，所有甜品都攞到三個重點，1.唔會太甜，迎合港人口味。2. 賣相精緻，睇得又食得。3.層次感豐富，一個甜點唔會只得一種口味。我特別鍾意食佢個綠茶紅豆牛角包🥐，望落去賣相好似好甜，切開一半原來入面嘅紅豆都係低糖，唔甜之餘仲有紅豆粒係入面煙煙銀銀，絕對唔係隨便整就整得到的。
餐前為我哋準備咗兩杯冰茶，清清味蕾，餐後亦包一杯餐飲，感覺完整。
張貼
