泰道 (已結業)

週末晚上walk-in啱啱好有位。佢哋問我坐出面定入面，我揀咗坐出面。不過可能因為夏天所以好多蚊子飛來飛去。雖然個景唔差但入夜後其實唔係好睇得到，但係成個氣氛係唔錯，都幾浪漫。食物方面生蝦唔錯,個醬汁都好出色,唔會驚食完肚屙，至少我第日都冇肚痛。仲有叫咗個軟殼蟹沙律，冇乜特別，可以唔使叫呢碟餸都OK。青咖喱雞個份量有點細,同埋佢冇一個爐去整熱佢，好似啲鱸魚咁。仲有唔會配飯同埋薄餅，呢啲都係要自己單點。芒果糯米飯還好吧，我都有嗌芒果汁不過份量超小。價錢中上偏貴，食氣氛為主。