Delish Kitchen by ALOT

營業中

休息中

主打日式西餐嘅Delish Kitchen by ALOT，餐廳面積超級大，有成六千呎嘅空間，裝修實在太靚，木系設計，配上令人感到舒適嘅燈飾，特別係餐廳正中掛著個大大嘅月球，十分適合打卡。香草牛油燒比目魚伴椰子湯汁煮野菜，配埋是日餐湯。用鐵鍋呈上，新鮮熱辣，要趁熱食！比目魚厚切大塊，肉質嫩滑，用香草牛油煎香，香氣四溢，配合椰子湯煮野菜，營養豐富！明太子牛油果大蝦薄餅，非常有驚喜！牛油果同大蝦夠新鮮，口感豐富，尤其喜歡牛油果夠熟，口感綿密！薄餅脆卜卜，明太子醬好夾！紫菜芝士炸甜蕃薯條伴松露醬，可以揀蕃薯條又可以揀薯條外脆內軟，紫菜芝士香鹹惹味，蘸埋松露醬食就更加香，我就特別推薦炸甜蕃薯條，充滿蕃薯嘅香甜氣息。熱黑芝麻Latte，仲特登轉咗燕麥奶。黑芝麻香濃，燕麥奶順滑，香而不膩。