五匠六釜

營業中

休息中

到過Airside食飯好幾次，今次朋友想食中菜，就揀咗呢間名字有啲特別嘅五匠六釜。我哋6:30pm嚟到，最初人不多，到我哋食完大概7:30pm嘅時候，已經好多食客在等位。我哋一行兩個人，叫咗半份砂鍋雲吞雞，糖醋魚片，及乾煸四季豆。份量比我預期嘅多，簡直係俾我想像中大差唔多一倍。食物亦都有水準。飲品方面嗌咗餐廳嘅特飲— 鴨屎香檸檬茶，味道唔錯，茶味香濃。不滿意嘅地方可以講係枱面比較細，放滿食物之後比較迫。另外，餐廳冷氣亦都比較凍。