影片
更多
2023-02-24
471 瀏覽
旺角朗豪坊對面間康得思酒店期間限定下午茶套餐,見到照片好吸引,終於二月尾前趕去試咗。由於訂枱比較急,booking好full, 我哋坐嘅位置麻麻地, 眼見近商務中心嗰邊梳化位非常寬敞闊落悠閒舒適,真係後悔唔早啲book位😔呢個下午茶套餐同 laneige合作, $498/兩位。個theme 係 "Shiny Violet”。一上枱完全切題,一片深淺不同嘅紫色,靚到不得了😍。甜點用雙層玻璃架上,每人4款連signature scone, 跟clotted cream同藍莓醬。我習慣第一件先食scone, 新鮮出爐,牛油味濃,外微脆內鬆化,完全冇多餘酵母味,完勝城中大部分酒店/餅店(包括Bakehouse🤫) 其他4件甜點各有特色,基本上都唔錯,特別欣賞紫薯綠茶mousse,同埋幾可亂真檸檬造型strawberry cheesecake👍另外每位4款鹹點,全部新鮮即做即出,唔會好似部分酒店咁預先做定。幾款都好食, 最鍾意salmon crisp lavash, crisp好香脆鬆化, 夾住嘅三文魚蓉加爽口西芹椰菜絲,好味得嚟口感好豐富👍跟餐我要咗golden citrus mocktail
由於訂枱比較急,booking好full, 我哋坐嘅位置麻麻地, 眼見近商務中心嗰邊梳化位非常寬敞闊落悠閒舒適,真係後悔唔早啲book位😔
呢個下午茶套餐同 laneige合作, $498/兩位。個theme 係 "Shiny Violet”。一上枱完全切題,一片深淺不同嘅紫色,靚到不得了😍。
甜點用雙層玻璃架上,每人4款連signature scone, 跟clotted cream同藍莓醬。我習慣第一件先食scone, 新鮮出爐,牛油味濃,外微脆內鬆化,完全冇多餘酵母味,完勝城中大部分酒店/餅店(包括Bakehouse🤫) 其他4件甜點各有特色,基本上都唔錯,特別欣賞紫薯綠茶mousse,同埋幾可亂真檸檬造型strawberry cheesecake👍
另外每位4款鹹點,全部新鮮即做即出,唔會好似部分酒店咁預先做定。幾款都好食, 最鍾意salmon crisp lavash, crisp好香脆鬆化, 夾住嘅三文魚蓉加爽口西芹椰菜絲,好味得嚟口感好豐富👍
跟餐我要咗golden citrus mocktail,橙黃色嘅飲品裝喺香檳金色高腳杯裏面,賣相一流,飲落只係普通有氣fruit punch😅。朋友要咗茉莉綠茶,反而綠茶香氣撲鼻相當唔錯, 可惜茶具太深色,睇唔到茶湯顏色。咖啡、茶大部分都係五六十蚊,價錢相當公道。
論食物質素,全部點心都好高質,賣相造型相當吸引,只係份量偏小,大概五點食完,晚餐一樣好有胃口。美中不足係坐位普通,景觀欠奉。如果可以早啲book枱坐到寬敞舒適嘅梳化位, 花$550,可以食到精緻高質嘅下午茶點,同朋友吹下水,懶洋洋消磨一個愜意嘅下午, 都不失為一個好選擇😄
順帶一提: 埋單前waitress畀咗兩份laneige嘅sample, 内有兩張$100嘅coupon, 如果係laneige嘅fans, 就會覺得性價比更高。
🍽 餐廳: Cordis Alibi - Wine Dine Be Social
🏠 地址: 旺角上海街555號康得思酒店5樓
#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong
張貼
