冚棒唥 (昌華商業大廈) (已結業)

原先俾門面設計吸引我停下腳步。望高啲，餐廳名都幾特別，冚棒唥，即係咩都有？ 就入去試試。餐廳內有好多汽車的小擺設，牆上掛上幾幅油畫，掛上for sales小牌仔，不過冇打價錢。話咁快店員端來一杯cappuccino 和一杯特飲，左望右望，又真係咩都有啲，嘆住咖啡等主菜。今日最大驚喜係 all day breakfast。 單係滿滿一碟嘅賣相已經好高分。放中間的大啡菇，切開看見入面放滿goat cheese， 配合上面一層香脆可口嘅mozzarella cheese， 味道濃而有質感。香蕉做法也有別於傳統，上面加上焦糖，不得了，簡單而十分好味。小小一塊吐司都處理得恰到好處。 原來，這裏食物水準比餐廳設計更加有驚喜。朋友選了意粉，有大菇、乾蕃茄、芝士、香草，食材新鮮又足料，一樣做得出色。食得開心嘅一餐。