Wildfire Pizzabar (已結業)

wildfire最近新出了一個下午茶時段任食套餐，門口就寫住all you can eat，但入到去先知道原來要先食wan是日精選的一款pizza和意粉先可以再order其它食物。咁都算啦，再問多陣先知原來要食曬一款食物先可以order第二款，即係同一時間只可以食意粉or 薄餅 唔可以兩樣一起上。聽完之後都有d覺得不可思議，明明宣傳海報上淨係寫住要食完之前叫得食物才可以食下一輪，但無寫到一次只可以叫一款。不過都算啦，落完第一樣無得揀的意粉之後，竟然要等20分鐘先上，意粉係卡邦尼味道不錯而且份量適中。食完意粉之後再叫第二樣食物，無得揀的pizza，當日係至尊薄餅，點知叫完又等了半個鐘。pizza一樣味道正常。之後再叫其它食物，先發覺原來已經等了差唔多一個鐘，然後快手叫多一樣意粉，就差唔多到時限。最後果陣，時間都未夠，已經催人埋單，整個個半鐘有9成都係度等。總括來講食物質素正常，但等候時間太耐無服務不得不令人失望而歸。