NOC Coffee Co. (已結業)

其實幫襯左差唔多成年先寫食評，依一年以黎佢已經成為左我每次weekend去中環既老地方咁制！首先講佢環境，最喜歡簡單既loft風格再加d日式北歐？🤣 令人覺得就咁係度坐下hea下都好舒服。其次講食物，估唔到佢除左咖啡，食物都好正，推介既係all day breakfast, 佢無我唔中意食既豆🤭 另外佢既大啡菇係超juicy! 唔會乾！薯仔批係食過之中好食之一！基本上每次叫都係為左佢🤣 另外salmon toast都好食！佢果個醬同埋醋酸地咁好開胃！咖啡我好中意飲，但唔識評論、不過同親唔同既朋友黎都係讚既。