Amaze (已結業)

朋友介紹下，去咗北角蜆殼街呢間新開冇耐既餐廳試吓，果然正如我朋友咁講，真係有酒店級水準，值得再去～頭盤: 鵝肝, 好肥美好大件, 唔似得其他地方食咁得一啖仔~ 仲有粒比厚厚既砵酒啫喱包住既迷你蘋果, 咁厚, 應該整咗好多層啫喱, 好有心思, 都好好味~湯: 龍蝦湯, 非常濃郁, 仲有龍蝦肉, 爽口! 飲之前仲有WAITRESS用壺將湯倒落湯料入面, 視覺嗅覺味覺都享受到~主菜: 法國鴨胸, 都係唔錯既選擇, 唔UN, 食得出新鮮既, 仲有蜜糖南瓜做伴菜, 好味~甜品: 梳乎厘, 薑味, 入面有好多薑粒, 並唔係用什麼香精, 食完個身暖笠笠, 啱晒而家冬天食~餐廳既主色係紫色, 連門口個聖誕老人同雪人都係紫色系既, 加埋暗暗既燈光, 都咪話唔浪漫~ 總括嚟講呢間餐廳啲嘢食真係好好味, 真係有酒店級水準, 絶對值得再去~!