影片
更多
2024-08-10
513 瀏覽
上一次同一大班人嚟食，基本上試齊啲嘢，全部都好好食！上次嚟唔知點解冇咩人，但今次平日夜晚嚟到個場爆曬，可能俾大家發現呢間隱世平價尖沙咀美食了。今次食第二次，必定要再推叫蛋糕送甜品呢個set，蛋糕大大件又好味，水準一樣，飲品60幾蚊嗰啲都叫得真係超抵！// 黑麻麻之戀蛋糕食第二次食真啲，底下係芝麻海綿蛋糕、中間一層cream夾雜柿餅碎粒、頂層厚厚但唔膩、冇負擔嘅芝麻cream。食嘅期間必須夾插一啲Oreo餅碎，增加甜度及咬口。成個蛋糕都超級豐富芝麻味，絕對係芝麻愛好者必食！再一次極欣賞呢個蛋糕加入韓國特色柿餅，意外地同芝麻10分夾！櫻花棉花糖泡泡浴呢杯基本上就係一大杯鮮奶、加2粒棉花糖、同埋一啲士多啤梨糖漿喺杯邊、同士多啤梨乾碎粒喺面。熱熱嘅鮮奶將棉花糖達致微溶狀態，飲嘅時候咬啲棉花糖一齊飲，即刻令杯奶唔同咗，帶啲甜味，幾好飲。不過我朋友嫌棉花糖太甜，淨係伴隨少少杯邊嘅士多啤梨糖漿去飲，士多啤梨味唔會太強同太甜，所以喜愛度因人而異。平時都覺得棉花糖太甜的話，可能都會覺得呢杯奶好甜。不過真心佢呢杯嘢飲好大杯，係餐牌裏面第四貴、期間限定嘅飲品，叫蛋糕佢都照送！(有三款飲品係唔送的，請問侍應~
今次食第二次，必定要再推叫蛋糕送甜品呢個set，蛋糕大大件又好味，水準一樣，飲品60幾蚊嗰啲都叫得真係超抵！
// 黑麻麻之戀蛋糕
食第二次食真啲，底下係芝麻海綿蛋糕、中間一層cream夾雜柿餅碎粒、頂層厚厚但唔膩、冇負擔嘅芝麻cream。食嘅期間必須夾插一啲Oreo餅碎，增加甜度及咬口。
成個蛋糕都超級豐富芝麻味，絕對係芝麻愛好者必食！
再一次極欣賞呢個蛋糕加入韓國特色柿餅，意外地同芝麻10分夾！
黑麻麻之戀蛋糕
$68
5 瀏覽
0 讚好
0 留言
櫻花棉花糖泡泡浴
呢杯基本上就係一大杯鮮奶、加2粒棉花糖、同埋一啲士多啤梨糖漿喺杯邊、同士多啤梨乾碎粒喺面。
熱熱嘅鮮奶將棉花糖達致微溶狀態，飲嘅時候咬啲棉花糖一齊飲，即刻令杯奶唔同咗，帶啲甜味，幾好飲。
不過我朋友嫌棉花糖太甜，淨係伴隨少少杯邊嘅士多啤梨糖漿去飲，士多啤梨味唔會太強同太甜，所以喜愛度因人而異。平時都覺得棉花糖太甜的話，可能都會覺得呢杯奶好甜。
不過真心佢呢杯嘢飲好大杯，係餐牌裏面第四貴、期間限定嘅飲品，叫蛋糕佢都照送！
(有三款飲品係唔送的，請問侍應~)
櫻花棉花糖泡泡浴
$62
4 瀏覽
0 讚好
0 留言
另外叫咗上次試過都好好味嘅漿果黑毛豬卡邦尼意粉，依舊保持水準，好食。
佢同平時嘅卡邦尼意粉，會相對乾身，但係意粉煮得剛剛好，每啖都有芝士同蛋嘅卡邦尼醬、食嘅時候伴隨厚切一條條嘅黑毛豬，帶點鹹味，好好食！
張貼
