Food Fiesta

營業中

休息中

自家製魚柳包配芝士他他醬：價錢係$68，今餐配一個薯條同沙律。薯條係粗薯條，有啲似某快餐店嘅薯條，整體上偏鹹，有少少香草喺上面；沙律配搭柚子醋，有大約三款蔬菜加埋蕃茄仔，由於個薯條同個漢堡包都有少少油膩，所以好需要沙律菜嘅配搭；我覺得魚柳包一般，係因為個芝士他他醬汁而覺得一般。芝士令到成個包好油膩，不過勝在魚柳炸得好鬆脆，趁熱食都還可以。吉列廣島蠔漢堡配明太子蛋：呢個都係$68，薯條同沙律都一樣。呢個廣島蠔我覺得好出色，廣島蠔唔會有奇怪嘅味道，蠔係好食嘅蠔味，唔會有怪味。加上個明太子醬，10分惹味，醬汁分量剛剛好，唔會令到個包濕晒，識落仲係鬆脆，值得一提個包係有焗過。