麺屋武蔵 (已結業)

同家姐去apm辦年貨買新衫過年, apm一如以往都係人山人海,行到6點趁未到飯市就食左野先繼續行啦。黎到麵屋武藏,見有位就入左去食拉麵。6點幾, 店內仲有位唔洗等, 店內裝修以黑色為主,有神秘感, 行入少少仲有卡位添, 睇睇餐牌, 有麵有飯有小食, 仲有個二人餐, 黎拉麵店當然係食拉麵啦。其中有一頁餐牌, 叫二天一流拉麵, 每日限量50碗, 好似係主打野, 睇個名真係唔知係咩黎, 我地就決定食呢個試下, order時店員都提我地, 呢個拉麵係辣既, 家姐係無辣不歡當然ok啦, 另外仲叫左一碗番茄豚骨湯拉麵, 一辣一酸我地share食。二天一流拉麵, + 番茄豚骨湯拉麵個二天一流拉麵入面有3件炸雞同3件豬扒仔, 香口野我至like, 個湯底聞落唔覺辣, 食第一啖都唔覺辣, 有少少冬陰公feel, 食多兩啖開始黎料, 個拉麵口感都ok, 好彈牙, 整體黎講都幾好味, 只係對我黎講辣得濟。另外個豚骨拉麵, 番茄湯味道幾濃,兩大片叫豚骨既豚肉, 其實係無骨既, 豬肉好入味,配料又有我至like既溏心蛋, 正!加$15有一杯椰果特飲, 有4種口味, 我地揀左巨峰提子同蘋果味,入面既椰果, 係星星