Made in HK Restaurant (已結業)

今日同老公去完APM超市Shopping， 順便喺度食埋晚餐。經過呢間餐廳見到靚靚裝修，又唔使排隊，所以入咗去。我哋兩個分別點左個黑椒精選雜扒餐同埋白酒煮蜆。雜扒餐有肉眼扒、豬扒、雞扒、德國腸、薯仔同配菜。我哋叫咗5成熟嘅肉眼扒，食落有少少肉味，肉質稔但有少少'根'，而豬扒、雞扒同德國腸食落去都冇咩特別，屬正常。由於肉類屬於'溜'嘅一種，所以我哋都食曬所有配菜嚟中和'溜'嘅感覺。跟餐仲有一個田園沙律同一杯嘢飲。沙律新鮮但份量較少，而飲品就叫左杯熱檸水。不得不提，佢嗰把刀係切唔到肉既，切到我隻手指都酸軟。白酒煮蜆嘅感覺好港式，蜆肉較細但稔，成碟野會食到好多洋蔥粒同蒜頭粒，感覺麻麻地。由於APM坐得舒服嘅餐廳唔算多，所以唔介意食物質素普通，依間餐廳都係一個好選擇。