Made in HK Restaurant (已結業)

今日陪朋友嚟APM Apple Store拎iPhone ，順便食個下午茶，行過見到呢間餐廳裝修得幾靚，又好闊落，就坐低試吓。沙嗲牛肉麵：牛肉係肥牛，份量都幾多。沙嗲味道出色，個湯都有。唯獨係啲面腍左少少，唔知係咪我掛住影相😂菠蘿包+炒蛋：菠蘿包表面層脆皮稍為薄咗啲，厚身啲會更加好食。炒蛋就正正常常。流心吉列奶黃西多：炸得好脆，就好似吉列豬扒咁。入面個流心做得好好，一切就流晒出嚟。建議同朋友分享，因為實在太邪惡😈見到餐廳入面好多台客人都點一個三層下午茶set，下次再食都想試吓。