泰媽媽雞飯 (創紀之城五期(apm))

營業中

休息中

聽同事講apm新開左間海南雞飯，放lunch就去試試，好彩早到左，一點左右已經要等位。佢地係半自助形式，先比錢後會有店員送餐。今日當然要試下泰媽媽雞飯，油飯係採用左金鳳米，煮到粒粒分明又唔會好油膩。而雞就係用左清遠雞，雞肉唔算好滑，但勝在一d肥膏都冇，雞皮都好薄，忍唔住食哂。枱面有3款醬汁可以點，如果有埋黑醬油就更好。另外叫左泰式鹵水豬手飯，豬手未係炆得好淋，食落爽爽地，豬皮相比起d肉較為入味，配有酸菜同半隻鹵水蛋，同雞飯一樣都有小小芥蘭。