影片
更多
2016-11-15
915 瀏覽
為左慶祝男朋友生日🎂, 今晚選擇黎到灣仔中西區為佢慶生上網找尋過呢帶既食肆多數以飲酒為主, 而且餐廳既價錢都不菲~ 幸好見到呢間西餐廳看似幾有氣氛, 一早book好枱, 放工後就過左黎灣仔了~~雖然唔算好近地鐵站, 不過都幾易搵由A3出口往玩具街方向一直行再過馬路就會到達西餐廳打造左個開放廚房, 除左煮野食之前呢度既主打係飲野既地方, 旁邊既位置方便客人飲酒🍻至於樓上位置燈飾較光, 方便食飯既客人🍴廚房以黑白色打造, 令人覺得好有貴氣既感覺樓上既裝修比較簡約, 部分牆身以薄磚鋪設, 再加上少量既掛牆飾物 簡約得宜☺️而且餐廳不停播放住最新/曾經當紅既英文歌曲, 就算我呢個大鄉理都識得唱既歌曲, 令晚餐增添不少氣氛!👏🏻👏🏻👏🏻餐廳既主食唔算太多反而小食比較多, 因為客人都係黎飲酒+食下小食晚飯時候撞正係happy hour時段, 指定既酒都有買一送一優惠! 而且本身價錢都唔貴, 再加上呢個優惠都幾抵!! 不過本身對酒精飲品麻麻地, 所以簡選左呢度既mcoktail(Mcoktail 沒有買一送一既優惠嫁! 請留意!!)Virgin Mojito $45味道唔錯 同cocktail既味道
上網找尋過呢帶既食肆多數以飲酒為主, 而且餐廳既價錢都不菲~ 幸好見到呢間西餐廳看似幾有氣氛, 一早book好枱, 放工後就過左黎灣仔了~~
雖然唔算好近地鐵站, 不過都幾易搵由A3出口往玩具街方向一直行再過馬路就會到達
西餐廳打造左個開放廚房, 除左煮野食之前呢度既主打係飲野既地方, 旁邊既位置方便客人飲酒🍻
至於樓上位置燈飾較光, 方便食飯既客人🍴
廚房以黑白色打造, 令人覺得好有貴氣既感覺樓上既裝修比較簡約, 部分牆身以薄磚鋪設, 再加上少量既掛牆飾物 簡約得宜☺️
而且餐廳不停播放住最新/曾經當紅既英文歌曲, 就算我呢個大鄉理都識得唱既歌曲, 令晚餐增添不少氣氛!👏🏻👏🏻👏🏻
餐廳既主食唔算太多反而小食比較多, 因為客人都係黎飲酒+食下小食
晚飯時候撞正係happy hour時段, 指定既酒都有買一送一優惠! 而且本身價錢都唔貴, 再加上呢個優惠都幾抵!! 不過本身對酒精飲品麻麻地, 所以簡選左呢度既mcoktail
(Mcoktail 沒有買一送一既優惠嫁! 請留意!!)
Virgin Mojito $45味道唔錯 同cocktail既味道可以話係無咩分別 都係有好清新爽快既感覺 好fresh既味道 但係要記得唔好擺太耐先飲完 唔係既話會有些少苦澀味
Lemongrass Soda $38
味道帶有少少檸檬草香味, 飲落去有種清新嘅感覺, 好舒服❤️
Deep-fried Chicken Wings $68味道超級邪惡既炸雞翼😈😈😈
上枱時芳香撲鼻, 香噴噴, 酥炸雞翼沾上適量既咸蛋黃, 食落卜卜脆十分香口....
雞肉肉質鮮嫩, 外皮鬆脆可口, 鹹蛋嘅香味同雞翼融匯貫通, 食起上黎真係好邪惡🙈🙈🙈 至於肥胖既邪念⋯⋯已經暫時被我拋諸腦後🙈 食左先算
Aroma Pork Spring Roll $68又係一個邪惡之物😂😂😂
炸物的確係人人喜愛嘅食物, 呢個又係另一個招牌菜-豬肉春卷
春卷皮炸得十分鬆脆, 咬落去已經感到外層好鬆化, 配上廚師安排既特製醬汁搭配得宜😀😀😀👍🏻 好味道❤️
Grilled US Angus Rib Eye $258喺出面食西餐已經唔係第一次, 不過呢度所有食材嘅裝飾都別有用心❤️
肉眼扒配上既並非一般嘅薯菜, 蒜頭&馬蹄放置係富有腐乳既薯蓉上面, 完全冇諗過蒜頭同馬蹄可以咁樣陪襯起來, 所有嘅食物其實都帶有fusion, 薯蓉配上腐乳既味道, 食起上黎幾得意🙂
至於肉眼方面, 粉嫩色系既牛肉令人垂涎三尺, 好吸引😍
肉質相當鮮嫩, 食起上黎肉質好林好juicy, 的確係個唔錯嘅菜式之一😋😋😋👍🏻
Cream Brulee $78有別於一般既Cream Brulee, 外形同朱古力蛋糕有d似, 但食落又唔係朱古力蛋糕..🤔🤔🤔 夾心內裡仲有包住呍呢拿雪糕, 而且上面既有好幾粒風乾既草莓粒🍓, 食落真係好有驚喜!😊
Aroma Sundae $58抺茶+朱古力雪糕, 除左打上忌廉外仲配上少量橙肉, 雪糕上灑上一粒粒金黃色既脆脆米, 富有口感!
食埋甜品今晚畫上完美嘅句號😘😘😘
主食選擇唔多, 不過價錢方面適中唔會過分高昻
嘢食方面睇得出廚師有用心機處理, 而男朋友都對今餐生日飯好滿意😁❤️
再有機會一定會再過嚟試吓其他餸菜👏🏻
張貼
