影片
更多
2023-03-09
142 瀏覽
一向鍾意慢活，尤其鍾意喺閒日享受午後悠閑，今次嚟到兒時常到嘅上環，行行壁畫街… 東街丶西街，行到差館上街，吸引到我哋嘅白色外牆小店 Paintable Cafe。大廈外圍搭咗棚，Cafe門外部份掛咗仿葉，呢個做法幾好喎！室內望返出去都順眼啲～食物係即點即製，客人用QRcode落單，由幾位態度友善嘅年青人主理小店內都係用白色作主調，感覺乾淨舒服，加上可愛壁畫，令人心情愉快，而室外半露天位置有兩個二人座，日光影相特別靚！溫泉蛋三文魚無花果沙律 $98先食個沙律開開胃，煙三文魚、無花果、新鮮沙律菜加上酸酸甜甜嘅黑醋，仲有流心溫泉蛋，份量都唔少㗎～ 帶子黑松露蘑菇意粉 $138 再嚟個主食，帶子有鮮味，意粉質感Al Dente，唯一意見係啲汁收返乾少少(杰身啲)會更好。香蕉榛子醬牛角包窩夫 配雪糕 $78半條香蕉造出脆脆焦糖外層，酥脆牛油香嘅牛角包窩夫，加上滿滿榛子醬，再配一球CookieNCream雪糕，無論賣相同味道都無得彈，性價比高嘅出品 Hojicha Latte $40非咖啡類飲品，首選焙茶Latte，香味特濃，送上枱時已聞到茶香，相機食完，即刻要趁熱飲Latte $40每杯熱飲都有
一向鍾意慢活，尤其鍾意喺閒日享受午後悠閑，今次嚟到兒時常到嘅上環，行行壁畫街… 東街丶西街，行到差館上街，吸引到我哋嘅白色外牆小店 Paintable Cafe。
大廈外圍搭咗棚，Cafe門外部份掛咗仿葉，呢個做法幾好喎！室內望返出去都順眼啲～
食物係即點即製，客人用QRcode落單，由幾位態度友善嘅年青人主理
小店內都係用白色作主調，感覺乾淨舒服，加上可愛壁畫，令人心情愉快，而室外半露天位置有兩個二人座，日光影相特別靚！
溫泉蛋三文魚無花果沙律 $98先食個沙律開開胃，煙三文魚、無花果、新鮮沙律菜加上酸酸甜甜嘅黑醋，仲有流心溫泉蛋，份量都唔少㗎～
帶子黑松露蘑菇意粉 $138 再嚟個主食，帶子有鮮味，意粉質感Al Dente，唯一意見係啲汁收返乾少少(杰身啲)會更好。
香蕉榛子醬牛角包窩夫 配雪糕 $78半條香蕉造出脆脆焦糖外層，酥脆牛油香嘅牛角包窩夫，加上滿滿榛子醬，再配一球CookieNCream雪糕，無論賣相同味道都無得彈，性價比高嘅出品
Hojicha Latte $40非咖啡類飲品，首選焙茶Latte，香味特濃，送上枱時已聞到茶香，相機食完，即刻要趁熱飲
Latte $40每杯熱飲都有拉花，望到心情都特別好
張貼
