影片
更多
2013-11-16
1043 瀏覽
終於都到左一個禮拜令人最期待嘅星期五晚, 想食啲開胃野, 於是揀左IFC尼間東南亞餐廳8點左右到埗, 已坐滿人, 不過等左5分鐘就有位, 店面唔算大, 座位編排得較擠迫尼個亦係點解响星期五晚都可以咁快等到位嘅原因之一, 個個都一食完就走, 唔留得耐眼見四周不乏來自東南亞嘅食客捧場, 心諗尼間餐廳嘅菜式應該都幾正宗, 唔差得去邊啩同N先生點左2個set dinner, 一碗喇沙米粉配美祿恐龍, 一碟炒米粉配巴東雞腿配拉茶先講下碗喇沙米線 (本來我係叫左喇沙米粉嘅, 點知尼到變左米線 ) 我驚話要換米粉果時被人做手腳, 所以費事換了, 個賣相好吸引, 湯頭嘅顏色好喇沙而味道亦好啱胃口, 淡淡椰香味, 唔太重味精得尼幾鮮甜, 最後啲湯仲被我清哂 不過啲配料同埋米線就略為遜色, 得果幾粒細細粒嘅豆卜, 但都頗入味 炸魚片份量最為陣容鼎盛, 有5,6片, 但味道就唔太討好, 一來腥, 二來冇喇沙味最後不得不提個米線, 雖然麵質尚算滑溜, 但就一啲味都冇, 即刻令成碗麵失色不少 再尼係炒米粉配巴東雞腿, 賣相亦同樣吸引, 色彩繽紛令人胃口大增煎蛋平平冇奇, 個米粉就略嫌乾硬, 但勝在炒得唔太
8點左右到埗, 已坐滿人, 不過等左5分鐘就有位, 店面唔算大, 座位編排得較擠迫
尼個亦係點解响星期五晚都可以咁快等到位嘅原因之一, 個個都一食完就走, 唔留得耐
眼見四周不乏來自東南亞嘅食客捧場, 心諗尼間餐廳嘅菜式應該都幾正宗, 唔差得去邊啩
同N先生點左2個set dinner, 一碗喇沙米粉配美祿恐龍, 一碟炒米粉配巴東雞腿配拉茶
先講下碗喇沙米線 (本來我係叫左喇沙米粉嘅, 點知尼到變左米線 ) 我驚話要換米粉果時被人做手腳, 所以費事換了, 個賣相好吸引, 湯頭嘅顏色好喇沙
而味道亦好啱胃口, 淡淡椰香味, 唔太重味精得尼幾鮮甜, 最後啲湯仲被我清哂
不過啲配料同埋米線就略為遜色, 得果幾粒細細粒嘅豆卜, 但都頗入味
炸魚片份量最為陣容鼎盛, 有5,6片, 但味道就唔太討好, 一來腥, 二來冇喇沙味
最後不得不提個米線, 雖然麵質尚算滑溜, 但就一啲味都冇, 即刻令成碗麵失色不少
再尼係炒米粉配巴東雞腿, 賣相亦同樣吸引, 色彩繽紛令人胃口大增煎蛋平平冇奇, 個米粉就略嫌乾硬, 但勝在炒得唔太油, 味道適中唔太咸
而隻雞脾就幾好味, 乎合預期中對巴東菜式嘅期望, 入味之餘肉質解嫩
飲品方面美祿恐龍亦唔錯, 美祿粉份量不少又夠冰凍, 加$10嘆番杯都抵
而拉茶就唔太啱我胃口, 不過由於用煉奶沖調, 所以好順口, 茶味亦算香濃
總括而言, 食物質素唔太突出, 但一試無妨, 每人$87嘅質素都尚可接受
題外話/補充資料：
服務有待改善, 人手頗為不足, 全場只見大概4位侍應生, 要serve約四,五十個食客
見佢地响咁狹窄嘅舖面不斷衝尼衝去, 其實都頗為危險, 建議盡量避免坐走廊位
而且侍應好似心不在然咁, 落完單又再番尼問我地啱啱要左啲咩食, 但結果都係落錯單
(以上食評乃用戶個人意見 , 並不代表OpenRice之觀點。)
張貼
