影片
更多
2020-10-27
89 瀏覽
係尖沙咀返工好多好嘢食，中西日韓食品樣樣齊，咩野款式都食過晒，今日路過依個位見到依間新開既Aurora fusion 菜，fusion菜真係比較少見，仲要係良心餐廳更加係難得一見，今晚就決定是你了！由於臨近聖誕節，餐廳既佈置都好有聖誕氣氛，個人覺得睇得出餐廳係有用心打理過，好有趣，但又唔會太誇張，入到入面，原來係新開既關係，再加上武炎期間，餐廳人數唔多，但內部裝修好靚，亦都好大，可以同時容納好多人。主菜方面，服務員好貼心咁推薦左個「香蒜大蜆扁意粉」，話係佢地招牌菜，必食之選，咁梗係要試下啦！首先係大蜆，真係大大隻，啖啖都係蜆肉，最正既地方係，蜆肉非常之新鮮，好重海鮮味，我自己係好鍾意海鮮既人，完全符合我口味！😛另外，意粉既口感好好，唔會太淋，亦唔會太硬，合適既口感，真係完全對得住個價錢。再加上蒜既味道，作為招牌菜真係當之無愧！作為一個專業既foodie，一碟主菜又點會滿足到我？作為肉食獸既我地，一見到串燒拼盤就二話不說即刻點左。首先係擺盤，串燒唔係整齊放好，而係以一個搭棚既方式呈現，係視角上已經加分不少。串燒方面，有唔同嘅肉類，有雞肉，牛肉，豬肉同羊肉。餐廳對於肉類既處理做得好好，唔會
由於臨近聖誕節，餐廳既佈置都好有聖誕氣氛，個人覺得睇得出餐廳係有用心打理過，好有趣，但又唔會太誇張，入到入面，原來係新開既關係，再加上武炎期間，餐廳人數唔多，但內部裝修好靚，亦都好大，可以同時容納好多人。
主菜方面，服務員好貼心咁推薦左個「香蒜大蜆扁意粉」，話係佢地招牌菜，必食之選，咁梗係要試下啦！首先係大蜆，真係大大隻，啖啖都係蜆肉，最正既地方係，蜆肉非常之新鮮，好重海鮮味，我自己係好鍾意海鮮既人，完全符合我口味！😛另外，意粉既口感好好，唔會太淋，亦唔會太硬，合適既口感，真係完全對得住個價錢。再加上蒜既味道，作為招牌菜真係當之無愧！
作為一個專業既foodie，一碟主菜又點會滿足到我？作為肉食獸既我地，一見到串燒拼盤就二話不說即刻點左。首先係擺盤，串燒唔係整齊放好，而係以一個搭棚既方式呈現，係視角上已經加分不少。串燒方面，有唔同嘅肉類，有雞肉，牛肉，豬肉同羊肉。餐廳對於肉類既處理做得好好，唔會煮過頭，令到每種肉類無左佢應有既味道。同時亦都唔會煮得唔夠煮，無左燒烤既香。個人覺得餐廳正正做到左燒烤最重要既火喉控制，非常之好味😋美中不足既地方係，個醬汁同串燒唔算特別夾，點醬好味，但唔點醬更加好味！建議餐廳可能嚐試一下不同既醬汁組合。但串燒拼盤我都大力推薦！
之後上菜既係日本既代表選手，「上級壽司-八貫」。八個壽司分別有唔同既款色，我同朋友各自食左唔同既味道。
但壽司方面，飯係握得好有水準，就算點左醬汁，都唔會有散開既問題，一個壽司既水平基本上就係飯既掌握同埋用料到，飯合格，材料新鮮，壽司一定唔會太差。首先我食既係海膽壽司，餐廳好大方，大量既海膽，一放入口，海膽既鮮味係口入而化開，如果咁都話唔好味，我諗都無好味既海膽壽司了。😛跟住落嚟既係魚子壽司，魚子大大粒，粒粒分明，用材既鮮真係不在話下，味道自然係好好。帶子方面，大大粒，食材處理得超好，完全無海水既腥味，反而有食材既鮮，真心好高質。三文魚方面，三文魚油脂分明，入口即化，好正呀。雖然餐廳主打係fusión菜，但我個人最欣賞就係餐廳既壽司，個人覺得絕對唔俾高級壽司店差，強烈推薦！
最後上菜既係，火腿芝士蘆筍卷，亦係此行既目標！個人真係超愛依個菜，由於上一道菜壽司既關係，我已經對餐廳既壽司同飯非常之有信心！再加上我本身好鍾意西班牙火腿哈密瓜，對依一道菜真係好期待😚，而佢亦都不失我所期，火腿係有質數既咸火腿，芝士味道唔會過濃，亦唔會過淡，真係岩岩岩岩好，蘆筍既解膩，完美既配合。作為一個finish真係非常之完美！
可能最近食得比較油膩同重口味，依一間餐廳既菜品真係集解膩，好味同新款於一身，真係好好味又好正，係一間非常有心既餐廳，推薦指數係5粒星！
張貼
