Asian Twist (已結業)

早前一家人到大潭參加步行，行完之後有車出番中環。先去IFC食午餐，星期日，間間餐廳都有排長龍，而asian twist排隊嘅人最少，於是就去咗asian twist。坐低咗上OR睇吓呢間野得唔得，點知…喊多過笑！見到咁嘅評語，都唔會抱任何期望，不太難食已很好了！午餐選擇也不少，有飯、有炒麵、有湯麵。阿爸要咗咖哩雞配法包，阿媽要咗巴東牛肉 + 黃薑飯，而我就要咗叻沙。我嘅叻沙揀咗配米粉，份量足夠。湯底顏色看上去甚對板，再試其味，都不錯喎，不是沒有味道，又不是一味得個咸字。微辣有椰香。揀米粉貪佢能吸收湯味，米粉不錯，不會太淋或碎。配料有魚片、豆卜同蝦，蝦唔掂，好淋有少少梅，唔新鮮。環境不過不失，坐得尚算舒服。