Avobar (已結業)

嚟到尖沙咀K11 Musea呢個新商場，梗係想揾吓新餐廳試試！同行嘅友人都係牛油果控，一直都想試吓呢間嚟自英國主打食牛油果嘅特色餐廳。餐廳冇得攞飛，要喺門口排隊，人齊先有得入座。用左大約半個鐘排隊，兩個人抱住期待嘅心情入去，最終竟然有少少失望而回！餐廳大部分食物都以牛油果配搭健康食材，味道清新，非常適合追求健康飲食嘅人士。可惜，每道菜式嘅份量不多，以價錢來說就不太值得一試。以牛油果代替漢堡包，中間夾着龍蝦鉗同芒果醬。牛油果texture creamy，帶點酸甜嘅芒果醬可以中和牛油果嘅膩感。算是一個可以填飽肚子嘅沙律，食材嘅配搭同味道沒有特別，只可以用“健康”來形容。香濃軟滑嘅Brownie中間夾著清甜嘅牛油果，再淋上蜜糖，同時包含咗三種層次嘅甜味。