影片
更多
2010-10-14
66 瀏覽
師傅同好友食家"乜都放入窿"食完泰菜後, 真係未算好飽, 於是決定轉戰食甜品; 而正正隔離就係佳記甜品, 即係人人成日都講去開元朗一定要食B仔涼粉, 而B仔涼粉正正係講緊佳記甜品! 未同好友食家"乜都放入窿"黎之前, 其實師傅已經喺早幾天試過呢度嘅小食一次, 而當日嘅小食真令師傅十分之驚喜, 當日有柯打到腸粉, 咖哩魚蛋, 豬皮同滷水雞中翼, 當中已腸粉最令師傅欣賞; 當師傅同好友食家"乜都放入窿"未係好飽之際, 當然要推介呢間食店嘅腸粉, 於是就柯打左十蚊腸粉!十蚊腸粉有幾多? 講真唔係好多, 咪係八條咁多囉; 師傅同好友食家"乜都放入窿"都十分鍾意食辣, 所以十蚊腸粉配上混醬; 當腸粉放埋枱上時, 份量真的不少, 而且係十分之香, 濃濃嘅豬油味令到腸粉格外吸引, 講真今時今日唔係好多地方肯用豬油架, 雖然唔健康, 但偶爾一次半次確實過癮, 加上腸粉十分之滑, 真係食到停唔到口呀, 腸粉絕對係必食推介! 咖哩魚蛋嘅魚蛋都幾細粒, 入口唔爽口唔彈牙, 魚蛋水準絕對唔掂, 可幸是咖啡汁夠香夠辣, 汁底十分惹味, 令到魚蛋不至咁差; 至於豬皮就一般啦, 半腍半爽, 唔見得幾特別, 一般啦;
未同好友食家"乜都放入窿"黎之前, 其實師傅已經喺早幾天試過呢度嘅小食一次, 而當日嘅小食真令師傅十分之驚喜, 當日有柯打到腸粉, 咖哩魚蛋, 豬皮同滷水雞中翼, 當中已腸粉最令師傅欣賞; 當師傅同好友食家"乜都放入窿"未係好飽之際, 當然要推介呢間食店嘅腸粉, 於是就柯打左十蚊腸粉!
十蚊腸粉有幾多? 講真唔係好多, 咪係八條咁多囉; 師傅同好友食家"乜都放入窿"都十分鍾意食辣, 所以十蚊腸粉配上混醬; 當腸粉放埋枱上時, 份量真的不少, 而且係十分之香, 濃濃嘅豬油味令到腸粉格外吸引, 講真今時今日唔係好多地方肯用豬油架, 雖然唔健康, 但偶爾一次半次確實過癮, 加上腸粉十分之滑, 真係食到停唔到口呀, 腸粉絕對係必食推介!
咖哩魚蛋嘅魚蛋都幾細粒, 入口唔爽口唔彈牙, 魚蛋水準絕對唔掂, 可幸是咖啡汁夠香夠辣, 汁底十分惹味, 令到魚蛋不至咁差; 至於豬皮就一般啦, 半腍半爽, 唔見得幾特別, 一般啦; 反而滷水雞中翼就勁正, 雞中翼非常入味, 但絕不過火, 加上肉質又鬆又滑, 十蚊四隻真係好鬼抵食呀!
當師傅同好友食家"乜都放入窿"食完腸粉後, 大家已經飽到不堪, 直頭可以講頂到上喉嚨, 但既然一場黎到, 冇理由唔食埋甜品先走, 於是商量下食咩好, 又要好味又要份量唔太多, 所以師傅諗左一陣就決定要西瓜西米撈, 而好友食家"乜都放入窿"就柯打左一杯紅豆冰!
話都冇咁快兩款甜品都同時登場, 師傅當然唔客氣啦, 西瓜西米撈個賣相比師傅個感覺係好得意, 第一係有枝飲管, 第二係好似沙冰咁; 於是師傅第一啖先試沙冰, 發現沙冰真係幾有心思, 因為沙冰應該係將西瓜磨成蓉, 再放入雪櫃雪冰佢, 所以西瓜味甚香, 而且份外清涼, 正呀; 再飲一啖又好得意, 因為一粒粒西米係可以經飲管吸上黎, 感覺特別, 幾有心思! 至於好友食家"乜都放入窿"嘅紅豆冰師傅就冇試到, 不過相信都應該唔錯, 皆決好友食家"乜都放入窿"都飲得幾快!
總括黎講食物水準都算不俗, 環境舒服, 服務態度亦可, 價錢唔算貴, 不過實際幾錢師傅就唔記得, 因為是之係好友食家"乜都放入窿"找數! 第一次黎B仔涼粉, 食左腸粉同甜品, 就係冇食到涼粉, 不過好肯定係仲會有下次, 笑臉絕對值得一比!
後記: 師傅同好友食家"乜都放入窿"食飽後係不能搭車, 唯有圍住附近不停打圈, 直到稍為消化才搭車鬆人!
張貼
