Backyard (已結業)

荃灣食飯除左路德圍之外亦有不少選擇，其中中染大廈翻新後既“8咪半”更有不少餐廳進駐，今日就同大家推介一間有誠意又實惠亦相當有水準既餐廳-backyard餐廳的第一印象，一踏入門口已經覺整個格調同氣氛同外面完全不同，低調而不失雅致，店內多設卡位雅座與低光環境極具私隱度，非常適合與朋友餐聚。食物方面，我點了bbq豬肋排伴薯菜，豬肋排肉質軟熟外亦有保留到肋排應有既質感，亦非常好處理不會切到狼狼狽狽。而bbq汁既處理亦相當有水準，食得出係有塗上三四層醬汁，絕非行貨。薯菜是炸到外脆內軟既薯條同黑醋汁沙律，就算係自己一個單點一份都夠食。而同行友人就揀了5成熟既法式羊架配香辣青檸汁，羊架本身唔差食得出係有質素既羊架，但係熟度選擇方面就推薦大家揀返3成會好少少，另外一提近骨位置會較重羊味，怕羊味既朋友仔就要留意啦。最後想講，我就叫左一杯青檸梳打，服務員好細心咁問我會唔會太重梳打味同埋夠唔夠甜，認真服務一流！係荃灣呢個價位有咁既服務同食物質素，我敢講無乜邊幾間做到！